Omnibus sancte matris ecclesie filiis presens scriptum visuris vel audituris Ricardus filius Gilberti aurifabri de Halstede salutem Sciatis me dedisse concessisse et hac presenti carta mea confirmasse in puram et perpetuam elemosinam Deo et beate Marie et beato Iohanni baptiste et beatis pauperibus hospitalis Ierusalem et fratribus apud Mapeltrestede commorantibus pro salute anime mee et antecessorum meorum et successorum unum denarium annui redditus cum omnibus suis pertinentiis que michi inde accidere possint in parochia de Halstede ad duos anni terminos percipiendum de Albr[ico] filio Willelmi atte Londe absque ullo retenemento scilicet ad festum sancti Michaelis unum obolum et ad Pascha unum obolum ita quod ego nec aliquis heredum meorum de cetero in predicto denario vel tenemento aliquid iuris vel clamei exigere vel vendicare possimus Et ego predictus Ricardus et heredes mei warantizabimus et defendemus predictum denarium et tenementum cum omnibus suis pertinentiis predicte domui hospitalis et fratribus imperpetuum contra omnes gentes Et ad maiorem securitatem presenti scripto sigillum meum apposui Hiis testibus Iohanne atte Lofte Iohanne Biddoy Nicholao cissore Willelmo aurifabro Waltero Gurray Willelmo Andrewe Willelmo filio Ricardi Willelmo fullone et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.