Sciant presentes et futuri quod ego Robertus moyne dedi et concessi et hac presenti carta mea confirmavi Willelmo Corey pro homagio et servicio suo et quadam pecunie summa quam michi dedit in gersummam duas acras terre arabiles cum pertinentiis et dimidiam rodam quarum una acra et dimidia roda iacent in inferiori campo de Hoo in villa de Hamstede de longo in longum chemini ecclesiastici in eodem campo et extendunt acre predicti Willelmi usque ad terram meam et una acra iacet in superiori campo de Hoo inter terram meam et terram Ade forestarii et extendit [ab] acra mea que est ad capud orientale usque ad terram meam que est ad capud occidentale habendas et tenendas libere quiete bene in pace integre in feodo et hereditate de me et heredibus meis ipsi Willelmo et heredibus suis vel quibuscumque et quandocumque dare vendere assignare vel legare voluerit reddendo inde annuatim et pro mesuagio suo et pro tota terra sua quam de feodo meo tenet in villa de Hamstede Deo et beate Marie virgini et domui hospitalis Ierusalem videlicet domui et fratribus domus de Mapeltrestede tresdecim denarios ad duos anni terminos videlicet ad Pascha sex denarios et obolum et ad festum sancti Michaelis sex denarios et obolum pro omnibus serviciis consuetudinibus exactionibus demandis sectis curiarum et pro omnibus rebus secularibus que aliquo iure de predicta terra per me vel per heredes meos sive assignatos meos exigi vel vendicare poterunt Et ego Robertus moyne et heredes mei warantizabimus acquietabimus et defendemus totam predictam terram cum omnibus pertinentiis suis et cum liberis introitibus et exitibus et cum omnibus libertatibus et aisiamentis ad dictam terram spectantibus predicto Willelmo et heredibus suis vel suis assignatis et eorum heredibus contra omnes gentes imperpetuum In cuius rei testimonium presenti scripto sigillum meum apposui Hiis testibus Hugone de Samford[] Waltero Paulyn[] Waltero de Mora Thoma filio Gilberti Iohanne Passavant Ricardo coco Roberto fratre suo Galfrido clerico Roberto Pygace et multis aliis clericis et laicis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.