Sciant presentes et futuri quod ego Gilbertus le moyne de Hamstede dedi concessi et hac mea carta confirmavi Deo et beate Marie et fratribus hospitalis Ierusalem in Anglia apud Mapeltrestede commorantibus in liberam puram et perpetuam elemosinam homagium Willelmi Cureye et quatuor denariatos annui redditus quos dictus Willelmus annuatim reddere michi consueverat de quodam mesuagio cum edificiis et de duabus acris terre et de tribus rodis prati cum pertinentiis suis in villa de Hamstede quarum due acre cum predicto mesuagio iacent in inferiori campo de Hoo ex utraque parte chemini quod vocatur Hoo Weye et predictum pratum iacet in Homade inter pratum meum habendum et tenendum prefatis fratribus in liberam puram et perpetuam elemosinam predictum homagium et redditum in releviis wardis escaetis et in omnibus que michi de dicto Willelmo vel de heredibus suis aliquo modo possent evenire sine ullo retenemento mei vel heredum meorum salvo tamen michi et heredibus meis et assignatis meis chemino quod vocatur Howeye ad eundem cariandum et ad fugandum quandocumque necesse fuerit Et ego Gilbertus et heredes mei warantizabimus et defendemus predictum homagium et redditum de predicto tenemento et pertinentiis suis in omnibus ut predictum est prefatis fratribus sicut puram et perpetuam elemosinam contra omnes gentes imperpetuum In cuius rei testimonium presenti carte sigillum meum apposui Hiis testibus domino Willelmo de Watevile Roberto de Berdefeld[] Roberto Pigace Waltero de Heu[er]e Waltero de Mora Galfrido filio Alani Thoma filio Gilberti Waltero le Flemenge Galfrido de Olmestede Ricardo coco Roberto coco et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.