Sciant presentes et futuri quod ego Saherus de Haustede capellanus concessi dedi et hac mea presenti carta confirmavi Deo et beate Marie et sancto Iohanni Baptiste et fratribus hospitalis sancti Iohannis Ierusalem apud Mapeltrestede commorantibus et ibidem Deo servientibus pro salute anime mee patris mei matris mee antecessorum parentum amicorum et omnium benefactorum meorum duos denarios annui redditus cum pertinentiis suis in villa de Haustede de quodam mesuagio iacente inter mesuagium Walteri de Polheye et mesuagium quondam Saheri Springold[] percipiendos per manum meam et heredum meorum vel assignatorum meorum ad duos anni terminos videlicet ad festum sancti Michaelis unum denarium et ad Pasca unum denarium habendum et tenendum predictum redditum cum omnibus pertinentiis suis ut predictum est predictis fratribus et eorum successoribus in liberam et perpetuam elemosinam libere quiete bene et in pace imperpetuum sicut aliqua elemosina alicui domui religionis potest dari et concedi preterea concessi in obitu meo et heredum meorum vel assignatorum meorum dictum mesuagium tenentium dicte domui hospitalis de Mapeltrestede duodecim denarios pro omnibus rebus et demandis Et ego Saherus et heredes mei et assignati dictum redditum cum omnibus pertinentiis suis predictis fratribus et eorum successoribus warantizabimus contra omnes gentes imperpetuum In huius rei testimonium huic presenti scripto penes dictos fratres et eorum successores remansuro sigillum meum apposui in modum carte cirographate dupliciter Hiis testibus Ricardo Everwyn[] Iohanne de Solio Rogero Fraunceys Galfrido mercatore Waltero dicto burgeys Petro Golding[] Gilberto Panel[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.