Hec indentura testatur quod nos frater Iohannes Pavely prior hospitalis sancti Iohannis Ierusalem in Anglia concessimus et dimisimus Iohanni Creppynge et Iohanne uxori eius unum mesuagium vocatum Saundres et unam acram terre iacentem in campo vocato Brokehole inter viam regiam ducentem de Halstede usque Sutbury ex parte una et terram Walteri Panymere ex parte altera et unum capud abuttat super dictam Brokehole et aliud capud super dictam regiam viam habend et tenend dictum mesuagium cum dicta acra terre et pertinentiis suis Iohanni et Iohanne uxori eius et heredibus de corporibus eorum legitime procreatis de predicto priore et successoribus suis reddendo inde annuatim dicto priori et successoribus suis duos solidos et sex denarios ad festa Pasche et sancti Michaelis per equales porciones Et dictus Iohannes de novo reedificabit infra scitum dicti mesuagii unam fabricam sumptibus suis propriis citra festum sancti Michaelis proximum futurum Et si contingat predictum Iohannem et Iohannam uxorem eius heredes aut assignatos eorum solucione dicti redditus in parte vel in toto per quindecim dies post aliquem terminum prenotatum deficere vel vastum seu distruccionem in domibus vel arboribus facere quod extunc bene liceat predicto priori et successoribus suis dictum mesuagium et dictam acram cum suis pertinentiis reingredi et retinere imperpetuum sine contradiccione aliquali ad que omnia et singula bene et fideliter facienda et complenda dicti Iohannes et Iohanna uxor eius obligant se heredes et executores suos ac omnia bona sua per presentes In cuius rei testimonium sigillum nostrum et sigilla predictorum Iohannis et Iohanne uxoris eius huic indenture alternatim sunt appensa Datum apud manerium nostrum de Mapeltrestede die mercurii in festo sancti Michaelis anno regni regis Edwardi tercii a conquestu quadragesimo primo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.