Sciant presentes et futuri quod ego Gilbertus de Oddewelle dedi et concessi et hac presenti carta mea confirmavi Willelmo Prudhumie pro homagio et servicio suo et pro una marca argenti quam dedit michi in gersumam totum tenementum in Gestingthorpe cum omnibus pertinentiis suis quod Edwinus Redewnder quondam tenuit de antecessoribus meis apud Remete tenendum de me et de heredibus meis ipsi Willelmo et heredibus suis in feodo et hereditate imperpetuum libere et quiete per liberum servicium quinque solidorum per annum scilicet ad Pascha triginta denarios et ad festum sancti Michaelis triginta denarios pro omnibus serviciis et exigenciis salvo servicio domini regis scilicet ad viginti solidos de regali servicio octo denarios et ad plus plus et ad minus minus et salvo [quod] commodabit michi bis in anno quantum ipse habet in caruca de proprio suo callo et duos messores una die ad partes meas in autumpno ad cibum et potum meum Et ego Gilbertus et heredes mei warantizabimus totum predictum tenementum cum omnibus pertinentiis suis predicto Willelmo et heredibus suis contra omnes homines et feminas per predictum servicium Hiis testibus Gilberto Peccant Willelmo Gifford[] Hugone de Craweden[] Willelmo de Canne Gilberto filio Walteri Ricardo de Gosfeld[] Ada Bacun[] Ada de Ponte Galfrido pincerna Rogero de He[in]gham Ordmaro parcario Rogero Blundol Nicholao pincerna Iohanne hostiario et aliis multis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.