Sciant presentes et futuri quod ego Nicholaus clericus filius Iohannis capellani de Gestingthorpe et Isabella uxor mea que fuit filia Roberti fraunkeleyn[] eiusdem ville concessimus dedimus et hac presenti carta nostra confirmavimus Rogero clerico de Othulveshoo pro homagio et servicio suo et pro triginta solidis argenti quos nobis dedit in gersumam totam illam terram cum omnibus pertinentiis suis habaturis ibi plus sive minus quam habuimus vel aliquo modo habere potuimus in crufta que vocatur Holdelinecroft quam quidem cruftam Iohannes Makewombe aliquando tenuit in villa de Gestingthorpe et totum pratum sive sit plus sive minus quod habuimus vel nobis aliquo modo accidere potuit in prato de Oddewelle de prato quod quondam fuit Roberti frounkeleyn[] cum omnibus pertinentiis suis prope domum Ricardi buscarl salvo nobis et heredibus nostris uno denario annui redditus percipiendo de predicto Ricardo buscarl et heredibus suis annuatim pro quadam parte predicti prati quam Reginaldus Rikelemetere vendidit predicto Ricardo habenda et tenenda de nobis et heredibus nostris vel de nostris assignatis predicto Rogero et heredibus suis vel cui vel quando et in quocumque statu sit sanus vel eger dictam terram cum pertinentiis videlicet cum mesuagiis curtilagiis sepibus fossatis et omnibus rebus predicte terre spectantibus et dictum pratum cum pertinentiis suis omnibus dare vendere legare vel assignare voluerit exceptis domibus religiosis et Iudeis libere quiete bene in pace in feodo et hereditate integre et imperpetuum reddendo inde annuatim nobis et heredibus nostris quatuor denarios ad duos anni terminos scilicet ad Pascha duos denarios et ad festum beati Michaelis duos denarios pro omnibus serviciis consuetudinibus sectis omnium curiarum auxiliis scotis ville et lotis et universis secularibus demandis Et ego Nicholaus predictus et Isabella uxor mea et nostri heredes vel nostri assignati warantizabimus defendemus et acquietabimus predictam terram cum omnibus supratactis suis pertinentiis et predictum pratum sive sit ibi plus sive minus cum suis pertinentiis predicto Rogero et heredibus suis vel quibuscumque suis assignatis exceptis domibus religiosis et Iudeis per predictum liberum servicium contra omnes gentes tam Iudeos quam Christianos imperpetuum salvo nobis et heredibus nostris uno denario annui redditus per annum percipiendo de predicto Ricardo buscarl et heredibus suis ut predictum est Et quia volumus quod hec nostra concessio donacio et presentis carte nostre confirmacio imperpetuum perseveret presenti carte sigilla nostra apposuimus Hiis testibus Roberto de Chelmeshoo Ricardo de Othulveshoo Thoma de Cruce Iohanne de Besevile clerico Stephano de Stonham Henrico de Chipeham Waltero Morell[] Stephano Prudhomme Iohanne page et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.