Omnibus sancte matris ecclesie filiis hoc presens scriptum visuris vel audituris Evarardus parkar[] de Briddebrok salutem in Domino Noveritis me divine pietatis intuitu dedisse et concessisse et presenti carta mea confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus apud Mapeltrestede pro salute anime mee et uxoris mee et omnium amicorum et parentum meorum sex acras terre mee in villa de Gestingthorpe cum omnibus suis pertinentiis in viis sepibus semitis fossatis et pasturis que iacent in campo qui vocatur Rienacre inter terram hospitalariorum et terram que fuit quondam Galfridi Sturmy unde unum capud abuttat super acram Edine versus occidentem et redditum duodecim denariorum provenientium de terra que fuit predicti Galfridi Sturmy in predicta villa una cum homagiis releviis et omnibus aliis ad predictam terram pertinentibus in liberam puram et perpetuam elemosinam sicut elemosina melius et quiescius dari potest domui religionis Et ego prefatus Everardus et heredes mei warantizabimus et defendemus totam predictam terram cum omnibus suis pertinentiis et predictum redditum duodecim denariorum cum omnibus suis pertinentiis ut predictum est prenominate domui hospitalis Ierusalem et eiusdem domus fratribus apud Mapeltrestede contra omnes homines et feminas imperpetuum Hiis testibus Hugone de Arden[] domino Simone de Oddewelle Gilberto filio Henrici Ricardo Huraunt Petro filio Rogeri Willelmo de Bumstede Rogero filio Galfridi Roberto de Chelmesho Roberto fraunkeleyn[] Ricardo de Othulvesho Rogero de Besevile Waltero butillario Waltero pistore Hugone filio Edithe et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.