Sciant presentes et futuri quod ego Willelmus le Waleys dedi et concessi et hac presenti carta mea confirmavi Stephano de Stonham pro homagio et servicio suo et pro quadraginta solidis sterlingorum quos michi dedit in gersumam duas acras terre mee arabilis cum pertinentiis in villa de Gestingthorpe iacentes in campo qui vocatur Alwynesfeld[] inter terram Margerie Faukes et terram Ricardi filii capellani unde unum capud abuttat super regalem viam que ducit de Gestingthorpe versus Hengham et aliud capud abuttat super terram domini Othonis filii Willelmi habendas et tenendas de me et heredibus meis illi et heredibus suis vel assignatis libere quiete integre bene et in pace cuicumque vel quibuscumque dictam terram cum pertinentiis dare vendere legare vel assignare voluerit exceptis domibus religionis et Iudaismo reddendo inde annuatim michi et heredibus meis vel assignatis ille et heredes sui vel assignati quatuor denarios ad duos terminos anni videlicet ad festum sancti Michaelis duos denarios et ad Pascha duos denarios pro omnibus serviciis auxiliis consuetudinibus sectis [curiarum] et demandis salvo servicio domini regis scilicet ad scutagium viginti solidorum unum obolum et ad plus plus et ad minus minus Et ego Willelmus et heredes mei warantizabimus acquietabimus et defendemus dictam terram cum pertinentiis dicto Stephano et heredibus suis vel assignatis et eorum heredibus per predictum servicium contra omnes gentes Et ut hec mea donacio concessio et carte mee confirmacio rata et stabilis permaneat huic carte sigillum meum apposui Hiis testibus domino Gilberto Pecche domino Roberto Curpeyl domino Hugone de Boue militibus Waltero de Feng[] Roberto del Hegg[] Rogero filio Galfridi Roberto le fraunkeleyn[] Nicholao de Kedeswelle clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.