Sciant presentes et futuri quod ego Alanus de Gestingthorpe capellanus concessi et dedi et hac presenti carta mea confirmavi Simoni de Oddewell[] et Margarete uxori sue pro homagio et servicio eorum et pro decem marcis quas ipsi michi dederunt in gersumam tresdecim acras terre et dimidiam cum pertinentiis in Gestingthorpe unde tres acre iacent in campo qui vocatur Gereboldescroft et sex acre terre et dimidia que iacent iuxta campum qui vocatur Chalewersfeld[] et abuttant super campum qui vocatur Mariefeld[] et una acra et dimidia in campo qui vocatur Welfeld[] in longitudine terre Willelmi parcarii et due acre et dimidia in campo qui vocatur Scardhardfeld[] tenendas et habendas de me et de heredibus meis vel de illis qui alias terras meas in villa de Gestingthorpe hereditarie habebunt illis et heredibus eorum vel cuicumque dare vel assignare voluerit et heredibus eorum bene et in pace libere integre et quiete per liberum servicium dimidie libre cimini per annum ad Natale pro omnibus serviciis consuetudinibus et demandis Quare ego Alanus et heredes mei vel illi qui alias terras meas in villa de Gestingthorpe hereditarie habebunt warantizabunt totas predictas tresdecim acras terre et dimidiam cum pertinentiis prenominatis Simoni et Margarete et heredibus eorum vel cuicumque dare vel assignare voluerint et heredibus eorum per predictum servicium contra omnes gentes Hiis testibus domino Othone filio Willelmi Ricardo filio Hugonis Michaele Craue Roberto de Bosco Willelmo de Wicham Willelmo parcario Rogero filio Galfridi Roberto de Samford[] Bartholomeo de Gosfeld[] Roberto fraunkeleyn[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.