Sciant presentes et futuri quod ego Gilbertus Pecche concessi dedi et hac presenti carta mea confirmavi Hugoni Goldston[] pro homagio et servicio suo et pro decem marcis argenti quas michi premanibus dedit in gersumam totum redditum in quo Robertus Pakkeles et Matildis uxor sua Radulphus de Wethereden[] et Sarra uxor eius Robertus wal et Ioyusa uxor eius heredes domini Gilberti Dyne militis michi tenebantur pro tenementis que de me tenuerunt in villa de Gestingthorpe una cum homagiis et serviciis predictorum heredum et cum wardis releviis herietis escaetis sectis curiarum et rebus cuntis que michi de predictis tenentibus et eorum tenementis redditibus et serviciis quocumque modo et iure accidere poterunt vel debuerunt sine ullo retenemento imperpetuum preterea concessi dedi et hac presenti carta mea confirmavi eidem Hugoni duodecim denarios annui redditus in quo michi Felicia filia domini Nicholai quondam vicarii ecclesie de Gestingthorpe tenebatur pro toto tenemento quod de me tenuit in villa de Gestingthorpe una cum wardis releviis herietis escaetis sectis curiarum et cum homagio et toto servicio eiusdem et rebus cuntis que michi de eadem et heredibus suis et eius tenemento et servicio quocumque modo vel iure accidere poterunt vel debuerunt sine ullo retenemento imperpetuum habendos et tenendos predictos redditus homagia et servicia predictorum tenencium una cum omnibus predictis pertinentiis suis de me et heredibus meis dicto Hugoni et heredibus suis vel quibuscumque et quandocumque dictos redditus homagia et servicia cum omnibus predictis pertinentiis suis dare vendere vel alio modo assignare voluerit exceptis domibus religiosis et Iudeis libere quiete bene in pace integre et iure hereditarie imperpetuum faciendo inde michi et heredibus meis vel meis assignatis ad scutagium cum evenerit tantum quantum pertinet ad quartam partem unius feodi militis pro omnibus serviciis consuetudinibus auxiliis sectis curiarum et omnibus exaccionibus aliis et secularibus demandis Et ego predictus Gilbertus et heredes mei vel mei assignati warantizabimus acquietabimus et defendemus dictos redditus homagia et servicia cum omnibus predictis pertinentiis suis dicto Hugoni et heredibus suis vel suis assignatis per predictum servicium contra omnes gentes imperpetuum In cuius rei testimonium huic presenti carte sigillum meum apposui Hiis testibus Reginaldo de Selverleye Willelmo le botiller Roberto de Chelmeshoo Petro de Othulveshoo Galfrido filio Hugonis Nicholao clerico Willelmo Lunders Willelmo de Leffeldewelle Thoma filio Gilberti et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.