Omnibus Christi fidelibus ad quos presens scriptum pervenerit Rogerus filius Galfridi de Gestingthorpe salutem in Domino Noverit universitas vestra me fide media et sacramento teneri solvere annuatim domui hospitalis Ierusalem de Mapeltrestede pro me et heredibus meis redditum duorum solidorum proveniencium de terra que vocatur Bricmanneslond[] in parochia de Gestingthorpe ad duos anni terminos scilicet ad Pascha duodecim denarios et ad festum sancti Michaelis duodecim denarios Et si forte contingat me de predicta solucione ad terminos statutos cessasse obligo pro me et heredibus imperpetuum meis penam dimidie marce pro quolibet termino non soluto predicte domui si forte contingat satisfacere sine contradiccione renuncians omni apellacioni privilegio fori et iuris remedio tam super inpetracionibus quam prohibicionibus curie romane et regie potestatis In cuius rei testimonium presens scriptum sigillo meo signatum roboravi Hiis testibus Hugone de Arden[] persona domino Petro de Clar[e] capellano Gilberto de Oddewelle Willelmo forestario Ricardo de Othulveshoo Warino clerico Roberto de Chelmesho Roberto le frankeleyn[] Willelmo de Bumstede clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.