Notum sit omnibus presens scriptum visuris vel audituris quod ego Rogerus filius Galfridi de Gestingthorpe concessi et remisi et imperpetuum quietum clamavi Deo et beate Marie et hospitali sancti Iohannis Baptiste de Mapeltrestede et fratribus ibidem commorantibus in puram et perpetuam elemosinam redditum annualem duodecim denariorum quem fratres eiusdem loci reddere consueverunt de tribus acris terre cum pertinentiis quas de me tenuerunt in villa de Gestingthorpe iacentibus in campo vocato Leefeld[] et abuttant ad unum capud super gravam persone de Gestingthorpe et ad aliud capud super pratum de Wicham canonicorum sancti Pauli Londoniar[um] habendum et tenendum Deo et beate Marie et fratribus predicti hospitalis pro me et heredibus meis vel meis assignatis predictis fratribus et successoribus suis imperpetuum quiete et libere ita quod si aliquis contraierit predictis fratribus ad impediendum eos de predicto redditu et predicta terra ego Rogerus vel heredes mei vel mei assignati warantizabimus defendemus et acquietabimus predictam terram et predictum redditum predictis fratribus contra omnes gentes imperpetuum et quod nec ego Rogerus nec heredes mei vel assignati mei de cetero in predicta terra et predicto redditu aliquod ius vel aliquod clameum habere poterimus imposterum Et ad maiorem huius rei securitatem habendam huic scripto sigillum meum apposui Hiis testibus domino Othone filio Willelmi Willelmo filio Willelmi fratre suo Hugone de Dyna rectore tunc temporis de Gestingthorpe Roberto de Chelmesho Ricardo de Othulvesho Rogero filio suo clerico Waltero Morell[] Rogero de Besevile Hugone Ioye et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.