Sciant presentes et futuri quod ego Robertus de Leffeldewelle vicarius ecclesie de Gestingthorpe dedi concessi et hac presenti carta mea confirmavi Ricardo Othelesho de eadem et Agneti uxori sue unum mesuagium cum gardino et una pecia terre adiacentis cum omnibus pertinentiis sicut sepibus et fossatis includuntur iacentem in eadem villa inter terram predicti Ricardi ex parte una et regale cheminum ducens de Clare versus Halstede ex parte altera unde unum capud abuttat super terram predicti Ricardi et aliud capud super viam tendentem de Othelesho crouch versus Subber[iam] et tres pecias prati cum pertinentiis divisim iacentes in villa prenominata quarum una pecia iacet inter terram manerii de Wicham sancti Pauli ex parte una et boscum predicti Ricardi ex parte altera et unum capud abuttat super pratum predicti Ricardi et aliud super terram predicti manerii et super pasturam predicti Ricardi et alia pecia cum pertinentiis iacet in prato vocato Watelesford inter pasturam predicti Ricardi ex parte una et terram predicti manerii ex parte altera unde unum capud abuttat super pratum Ricardi de Chelmesho ex parte una et aliud capud super viam tendentem de Otheleshoo crouch versus Subber[iam] ex parte altera et alia pecia cum pertinentiis iacet in prato vocato le Fordemedwe ex parte una inter terram Iohannis Sewale et pratum Ricardi de Chelmeshoo ex parte altera unde unum capud abuttat super terram predicti Ricardi de Chelmeshoo et aliud capud pratum vocatum le Fordemedwe habend et tenend predictum mesuagium cum gardino et cum predicta pecia terre adiacente et predictas tres pecias prati cum omnibus eorum pertinentiis ut prenominatum est predictis Ricardo et Agneti uxori sue et heredibus de corporibus eorum exeuntibus de capitalibus dominis feodi per servicia inde debita et de iure consueta Et si contingat dictos Ricardum et Agnetem sine herede de se obire tunc predicta mesuagium terre prata et tenementa cum omnibus eorum pertinentiis integre remaneant rectis heredibus dicti Ricardi imperpetuum In cuius rei testimonium huic presenti carte sigillum meum apposui Hiis testibus Iohanne fermer Edmundo botiler Ricardo de Chelmesho Thoma atte Park Thoma warde et aliis Datum apud Gestingthorpe die dominica proxima post festum sancti Mathei apostoli anno regni regis Edwardi tercii a conquestu octavo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.