Sciant presentes et futuri quod nos Thomas de Gepeswico capellanus et Nicholaus Gyle de Gestingthorpe dedimus concessimus et hac carta nostra confirmavimus Ricardo de Othelesho de Gestingthorpe et Agneti uxori eius undecim acras terre arabilis cum quadam pastura et strata vocata Latchesmeretye cum omnibus pertinentiis suis iacentes divisim in villa de Gestingthorpe predicta quarum sex acre terre iacent coniunctim in crofto vocato parva Asshefeld videlicet inter stratam ducentem versus Halstede ex parte una et terram dicti Ricardi de Othelesho ex parte altera unde unum capud abuttat super terram rectoris de Gestingthorpe [et aliud capud super terram] vocatam Croucheshouscroft et quinque acre terre predicte iacent in eadem villa in crofto vocato Longewodecroft inter terram Willelmi Elde ex parte una et venellam ducentem versus domum Thome warde unde unum capud abuttat super Lachemeretye et aliud capud super terram dicti Ricardi habend et tenend predictas undecim acras terre cum pastura et strata predicta cum omnibus suis pertinentiis predictis Ricardo et Agneti et heredibus de corporibus eorum legitime procreatis de capitalibus dominis feodi illius per servicia inde de iure et consueta et debita libere quiete bene et in pace imperpetuum Et si contingat predictos Ricardum et Agnetem sine heredibus de corporibus eorum legitime procreatis obire volumus et concedimus quod predicte undecim acre terre cum pastura et strata predicta cum omnibus suis pertinentiis ut predictum est rectis heredibus dicti Ricardi remaneant imperpetuum Et nos predicti Thomas et Nicholaus et heredes nostri predictas undecim acras terre cum pastura et strata predicta cum omnibus pertinentiis suis predictis Ricardo et Agneti et heredibus de corporibus eorum legitime procreatis contra omnes gentes warantizabimus imperpetuum In cuius rei testimonium huic carte sigilla nostra apposuimus Hiis testibus Iohanne fermer Radulpho Mark Thoma atte Park Thoma warde Ricardo de Chelmesho et aliis Datum apud Gestingthorpe die dominica proxima post festum sancti Barnabe apostoli anno regni regis Edwardi tercii post conquestum duodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.