Sciant presentes et futuri quod ego Thomas Ramage de Gestingthorpe dedi concessi et hac presenti carta mea confirmavi Ricardo de Othelesho de Gestingthorpe et Agneti uxori sue duas pecias prati cum pertinentiis in Gestingthorpe quarum una pecia cum pertinentiis iacet in prato vocato Walesforde inter pasturam dicti Ricardi de Othelesho ex parte una et terram manerii de Wicham sancti Pauli ex parte altera et unum capud abuttat super pratum Ricardi de Chelmesho et aliud capud super viam tendentem de Otheleshocrouch versus Suth[e]bury et alia pecia prati cum pertinentiis iacet in prato vocato le Fordemedwe inter terram Iohannis Sewale ex parte una et pratum Ricardi de Chelmesho ex altera parte et unum capud abuttat super terram dicti Ricardi de Chelmesho et aliud capud super pratum vocatum le Fordemedwe habend et tenend predictas duas pecias prati cum omnibus suis pertinentiis et proficuis predictis Ricardo de Othelesho et Agneti uxori sue heredibus et assignatis ipsius Ricardi de capitalibus dominis feodi per servicia inde debita de iure et consueta Et ego predictus Thomas Ramage et heredes mei predictas duas pecias prati cum omnibus pertinentiis suis et proficuis predictis Ricardo de Othelesho et Agneti uxori sue heredibus et assignatis ipsius Ricardi contra omnes gentes warantizabimus imperpetuum In cuius rei testimonium huic presenti carte sigillum meum apposui Hiis testibus Ricardo de Chelmesho Galfrido warde Thoma atte Park Waltero Morell Thoma warde Reginaldo atte Romete Hugone de Leffeudewelle et aliis Datum apud Gestingthorpe die dominica proxima post festum sancti Petri ad vincula anno regni regis Edwardi tercii a conquestu tercio

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.