Noverint universi hoc presens scriptum visuri vel audituri quod nos Iohannes Boutecurte et Otho Boutecurte concessimus remisimus et omnino pro nobis et pro heredibus nostris quietum clamavimus imperpetuum Ricardo de Othelesho de Gestingthorpe et Agneti uxori sue heredibus et assignatis ipsius Ricardi totum ius nostrum et iuris clameum quod habuimus vel aliquo modo habere potuimus seu poterimus in futurum in una pecia prati cum pertinentiis vocati Otheleshomedewe quam predicti Ricardus et Agnes habent de dono et feoffamento Petri Perpount in villa de Gesting[e]thorpe predicta ita videlicet quod nec nos predicti Iohannes et Otho nec heredes nostri nec aliquis nomine nostro seu per nos aliquid iuris vel iuris clamei in predicta pecia prati cum pertinentiis nec in parte nec in toto de cetero exigere vel vendicare poterimus imperpetuum Et nos predicti Iohannes et Otho et heredes nostri totam predictam peciam prati cum omnibus suis pertinentiis predictis Ricardo de Othelesho et Agneti uxori sue heredibus et assignatis ipsius Ricardi warantizabimus contra omnes gentes In cuius rei testimonium huic presenti scripto nostro sigilla nostra apposuimus Hiis testibus dominis Iohanne Dyne Iohanne de Lystone militibus Iohanne fermer Ricardo de Chelmesho Thoma warde Waltero Morell Petro palmer[o] et aliis Datum apud Dyllewyk die dominica in festo Natalis Domini anno regni regis Edwardi tercii a conquestu secundo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.