Sciant presentes et futuri quod ego Thomas de la Taillourie dedi concessi et hac presenti carta mea confirmavi Simoni Chanz de Gestingthorpe et Ele uxori sue heredibus et assignatis ipsius Simonis totum mesuagium meum iacens in villa de Gestingthorpe predicta cum domibus curtilagiis et cum una roda terre arabilis iacentis ad capud orientale dicti mesuagii in longitudine iuxta croftum predicti Simonis et abuttat aliud capud super terram predicti Simonis et predictum mesuagium iacet in longitudine inter cimiterium ecclesie predicte [ville] ex una parte et mesuagium quod predictus Simon tenet de iure dicte Ele uxoris sue ex altera et abuttat ad unum capud super le Cherchestret et ad aliud capud super predictam rodam terre habend et tenend totum predictum mesuagium cum predicta terra sive plus ibi fuerit vel minus cum redditibus et serviciis et cum omnibus pertinentiis ad dictum mesuagium et terram quoquo modo pertinentibus predictis Simoni et Ele uxori sue heredibus et assignatis ipsius Simonis de capitalibus dominis feodi illius per servicia inde debita et de iure consueta imperpetuum Et ego predictus Thomas et heredes mei totum predictum mesuagium cum predicta terra cum redditibus et serviciis et cum omnibus pertinentiis ad dictum mesuagium et terram pertinentibus predictis Simoni et Ele heredibus et assignatis ipsius Simonis contra omnes gentes imperpetuum warantizabimus In cuius rei testimonium huic presenti carte sigillum meum apposui Hiis testibus Roberto le warner Willelmo de Leffeldewelle Roberto fabro Iohannes spelyng Petro Marion et aliis Datum apud Gestingthorpe predictam die dominica proxima post festum Pasche anno regni regis Edwardi tercii post conquestum duodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.