Hec indentura testatur quod Sarra de Wetherden concessit dimisit et ad firmam tradidit Willelmo de Wotton et Iohanne uxori eius omnia terras et tenementa quas et que habuit die confeccionis huius indenture in villa de Gestingthorpe Hengham ad Castrum parva Mapeltrestede et magna Mapeltrestede simul cum redditibus wardis maritagiis releviis escaetis et omnibus aliis pertinentiis ad predictas terras et tenementa spectantibus salva tamen predicte Sarre ad terminum vite sue aula et pistrina cum gardino adiacente et eciam quinque acris bosci habend et tenend omnes predictas terras et tenementa cum redditibus et cum omnibus aliis pertinentiis suis ad predictas terras et tenementa spectantibus ut predictum est predictis Willelmo et Iohanne uxori eius et eorum assignatis ad totam vitam ipsius Sarre salvis predicte Sarre predictis aula pistrina gardino et bosco ut predictum est reddendo inde annuatim predicte Sarre ad totam vitam suam quinquaginta solidos argenti videlicet ad festum sancti Michaelis Natalis Domini Pasche et Nativitatis sancti Iohannis Baptiste per equales porciones Et predicti Willelmus et Iohanna facient pro predicta Sarra capitalibus dominis feodorum illorum servicia debita et consueta Et predicta Sarra omnes predictas terras et tenementa cum redditibus et omnibus pertinentiis suis salvis sibi prius salvatis ut predictum est predictis Willelmo et Iohanne vel assignatis eorum ad totam vitam ipsius Sarre contra omnes gentes warantizabit Et predicti Willelmus et Iohanna concedunt pro se et heredibus suis quod quandocumque contingat predictum redditum quinquaginta solidorum in parte vel in toto ad aliquem terminum aretro existere quod predicta Sarra vel attornati sui in predictis terris et tenementis cum omnibus pertinentiis pro predictis quinquaginta solidis distringere et reingredi possint et districtiones retinere quousque de predicto redditu quinquaginta solidorum vel de arreragiis eiusdem si que fuerint predicte Sarre plenarie satisfactum In cuius rei testimonium huic indenture tam predictus Willelmus quam predicta Sarra sigilla sua alternatim apposuerunt Datum apud Gestingthorpe die dominica proxima ante festum sancti Michaelis archangeli anno regni regis Edwardi tercii a conquestu terciodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.