Sciant presentes et futuri quod ego Robertus de Southestrete de Gestingthorpe dedi concessi et hac presenti carta mea confirmavi Waltero filio Walteri de Wotton unam peciam terre cum pertinentiis et unam peciam prati cum pertinentiis que quidem pecia terre iacet in villa de Gestingthorpe predicta inter terram Walteri de Wotton ex utraque parte in campo vocato Lytillongwodesfeld et predicta pecia prati iacet in eadem villa in prato vocato Wauthemed inter pratum quondam Iohannis atte Crouche ex una parte et pratum quondam Ricardi Hothelysho ex altera parte habend et tenend dictam peciam terre et dictam peciam prati cum omnibus suis pertinentiis predicto Waltero filio Walteri de Wotton heredibus suis et suis assignatis de capitalibus dominis feodi illius per servicia inde debita et de iure consueta Et ego predictus Robertus et heredes mei predictas pecias terre et prati cum suis pertinentiis predicto Waltero filio Walteri de Wotton et heredibus suis et suis assignatis contra omnes gentes warantizabimus imperpetuum In cuius rei testimonium huic presenti carte mee sigillum meum apposui Hiis testibus Roberto atte Park Thoma de Chelmesho Rogero Gyle Willelmo Saleman Thoma warde et aliis Datum apud Gestingthorpe predictam die martis proxima ante festum Nativitatis sancti Iohannis Baptiste anno regni regis Edwardi tercii post conquestum quadragesimo tercio

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.