Sciant presentes et futuri quod ego Gilbertus Goldeston dedi concessi et hac presenti carta mea confirmavi Nicholao Goldeston consanguineo meo omnia tenementa mea que habui in villa de Gestingthorpe videlicet in quodam loco vocato Odewell ut in mesuagio domibus gardinis terris arabilibus boscis pratis pascuis pasturis aquis stagnis viis semitis redditibus homagiis feauditatibus releviis escaetis et omnibus aliis pertinentiis ad predictum tenementum spectantibus sine aliquo retenemento habend et tenend omnia predicta tenementa cum omnibus iuribus et pertinentiis suis ad eadem tenementa spectantibus predicto Nicholao et heredibus suis de corpore suo legitime procreatis iure hereditarie imperpetuum de capitalibus dominis feodi illius per servicia annuatim inde debita et consueta et reddendo michi predicto Gilberto annuatim quoad vixero tot super idem tenementum ad duos anni terminos scilicet ad festum sancti Michaelis et ad Pascha solvendum Et ego predictus Gilbertus et heredes mei warantizabimus omnia predicta tenementa cum omnibus iuribus et pertinentiis suis predicto Nicholao et heredibus suis de corpore suo legitime procreatis contra omnes gentes imperpetuum Et ut hec mea donacio concessio et presentis carte mee confirmacio robur optineant imperpetuum huic presenti carte sigillum meum apposui mense novembris anno regni regis Edwardi filii regis Edwardi primo Hiis testibus domino Alano de Goldyngham domino Iohanne de Wastoill militibus Iohanne Burdleys Roberto filio Nicholai de Gestingthorpe Radulpho de Wetherden Galfrido warde Waltero Morell Rogero de Abotteston Waltero le Dekyne Roberto wall Ricardo Loue de Cantuar et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.