Omnibus Christi fidelibus presens scriptum indentatum visuris vel audituris Petrus Perpond[] salutem in Domino Quoddam scriptum indentatum factum per Robertum Perpond[] capellanum nuper dominum manerii de Bethham feoffatorem meum de predicto manerio venerabilibus priori et fratribus hospitalis sancti Iohannis Ierusalem in Anglia inspexi in hec verba Hec indentura testatur quod cum tempore transacto contenciones et rixe sepius fuerunt inter religiosos viros priorem et fratres hospitalis sancti Iohannis Ierusalem in Anglia et dominos manerii de Bechham super calumpnia cuiusdam chemini quod ducit de Ioyespithill[] iuxta Piperes Hatche inter terras dicti manerii et pratum et pasturam Iohannis atte Mere Iohannis le Hert Reginaldi atte Remete et pratum et pasturam dicti Manerii usque Odewellelane que est inter prata manerii de Odewelle predicti ubi dicti prior et fratres dicti hospitalis et antecessores sui clamabant [ius] cariandi ducendi per carectas et alia cariagia et fugandi per quecumque animalia de Mapeltrestede parva versus Oddewelle per predictum cheminum et dicti domini manerii de Becchham cariagium et carectas et fugacionem animalium omnino dedicebant tandem vero inter dictos priorem et fratres hospitalis predicti et quendam Robertum Perpond[] capellanum dominum de Bechham predicti sic est concordatum videlicet quod predictus Robertus concessit pro heredibus et assignatis suis quod predicti prior et fratres hospitalis predicti et successores sui habeant et optineant imperpetuum cheminum predictum pacifice in loco et per loca predicta de latitudine octodecim pedum ad quecumque cariagia et fugaciones facienda pro voluntate dictorum prioris et fratrum et successorum suorum sine calumpnia dicti Roberti [et] heredum assignatorum suorum In cuius rei testimonium tam predictus Petrus quam predicti prior et fratres sigilla sua alternatim apposuerunt Datum London[] die dominica proxima ante festum sancti Iohannis Baptiste anno regni regis Edwardi tercii post conquestum terciodecimo Ego autem dictus Petrus pro me heredibus et assignatis meis omnes donaciones et concessiones predictas ratas habens et concedens per presens scriptum ratifico et confirmo nolens quod dicti prior et fratres nec successores sui pro me heredes seu assignatos meos super chemino predicto in aliquo molestentur calumpnentur seu imperpetuum graventur Pro hac autem confirmacione dicti prior et fratres dictum Petrum [et] Elizabeth uxorem suam in orationibus et beneficiis spiritualibus tanquam confratres habebunt imperpetuum In cuius rei testimonium partes alternatim sigilla sua apposuerunt Datum London[] die dominica in festo Petri advincula anno regni regis Edwardi tercii post conquestum tercio decimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.