Omnibus sancte matris etc Petrus de Thalworth[] salutem in Domino Noveritis me pro salute anime mee et omnium antecessorum et successorum meorum concessisse et hac presenti carta mea confirmavi Deo et beate Marie et sancto Iohanni Baptiste et beatis pauperibus sancte domus hospitalis et fratribus eiusdem domus Deo servientibus et servituris in liberam et puram et perpetuam elemosinam Henricum filium Ricardi Brand[] et Galfridum fratrem suum cum toto sequela de eis exeunte et cum toto tenemento quod dictus Henricus tenuit in villa de Samford[] scilicet 3 fordlingatis terre cum suis pertinentiis habendos et tenendos de me et heredibus meis prenominate domui hospitalis et fratribus eiusdem domus bene et in pace libere quiete integre imperpetuum Et ego predictus Petrus et heredes mei warantizabimus prenominatum Henricum et Galfridum fratrem suum cum tota sequela sua de ipsis exeunte et cum predicto tenemento cum suis pertinentiis predicte domui hospitalis et fratribus eiusdem domus contra omnes gentes In huius rei testimonium etc Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.