Notum sit omnibus etc quod ego Willelmus filius Walteri dimisi et concessi Iohanni filio Petri totam croftam meam in villa de Samford que vocatur Stortecroft sicut clauditur et fossatur unde unum capud abuttat ad pratum Baldewini de la Hull et aliud capud ad regale cheminum quod vocatur Chipseb[ra]ce pro 27 s et 4 d quos michi dedit premanibus habend et tenend de me et heredibus meis illi et heredibus suis vel cuicumque assignare voluerit a festo sancti Michaelis proximo post consecracionem magistri Ricardi le Grant Cantuar[iensi] archiepiscopi anno regni regis Henrici tertio decimo usque in 20 annos sequentes continuos et completos Et ego Willelmus filius Walteri et heredes mei warantizabimus predictam croftam cum pertinentiis suis prefato Iohanni et heredibus suis vel cui assignare voluerit et defendemus et acquietabimus ex omnibus serviciis et demandis que emergi poterunt usque in finem dictorum 20 annorum contra omnes gentes Si vero aliquod dampnum emergerit prefato Iohanni et heredibus suis vel de predicta crofta dissaisiati fuerint completis autem 20 annis predictis redibit predicta crofta ad me vel ad heredes meos soluta et quieta a prefato Iohanne et heredibus suis vel assignatis In huius autem rei testimonium presenti scripto sigillum meum apposui Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.