Omnibus sancte matris ecclesie etc Nicholaus de Lacre salutem in domino Noverit universitas vestra me concessisse dedisse et hac presenti carta mea confirmasse pro salute anime mee et antecessorum meorum Deo et beate Marie et beato Iohanni Baptiste et beatis pauperibus domus hospitalis Ierusalem et priori et fratribus eiusdem domus in Anglia apud Chaur[] Deo servientibus in liberam puram et perpetuam elemosinam totum homagium et servicium Roberti filii Roberti de Langemere de magna Samford[] in terris redditibus et possessionibus quod de eo habui vel habere potui sine ullo retenemento et 8 d annui redditus quos idem Robertus michi quondam reddere solebat ad quatuor terminos anni habendos et tenendos priori et fratribus et eorum successoribus adeo libere et quiete sicut aliqua elemosina liberius et quiecius potest dari alicui domui religionis Et ego predictus Nicholaus de Lacre et heredes mei warantizabimus acquietabimus et defendemus predictum homagium et servicium predicti Roberti et predictos octo denarios annui redditus cum omnibus suis pertinentiis et consuetudinibus sectis curiarum et omnibus secularibus demandis et serviciis regalibus predictis priori et fratribus et eorum successoribus in perpetuum contra omnes gentes In huius rei testimonium hanc presentem cartam sigilli mei inpressione roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.