Super quo scrutatis rotulis dil domysday compertum est sic Rogerus filius Gilberti Bacoun tenet unam virgatam terre per servicium 11 s per annum scilicet ad festum sancti Iohannis 2 s et 6 d ad festum sancti Michaelis 3 s ad Natale Domini 2 s 6 d et ad Pascha 3 s et ad utramque precem servicium metet dimidiam acram et invenit 2 homines et arabit de yvernagio 1 acram et de termesio unam acram et tunc debet hospitare tenementum quod vocatur Burdinc[]doun et debet sectam curie Et compertum est similiter tam per rentale quam examinacione Stephani de Thornham nuper collectoris redditus Rogeri Faucelon[] et aliorum tenentium quod abbas sancti Iohannis Colcestrie tenet totam predictam terram preter predictam terram vocatam Burdincdoun et pasturam adiacentem ex perquisito de quodam Rogero Bacoun[] pro quibus quidem terris idem abbas reddit per annum 10 s 8 d virtute cuiusdam assise nuper capte inter venerabilem dominum fratrem Iohannem nuper priorem hospitalis etc et quendam tunc abbatem loci predicti per quam quidem assisam dictus dominus prior predictum redditum recuperavit Et predictam terram vocatam Burdonesdoun[] cum pastura adiacente continente circiter 8 acras tenet predictus Iohannes Petteworth[] pro quibus terris ipse offert residuum predicti redditus 11 s et 16 d pro arrura per annum qui ad hoc admissus est etc Et irrotulatur ista pagina in curia tenta apud Witham die martis in septimana Pasche anno regni regis Edwardi tercii a conquestu quadragesimo nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.