Hec est conuentio facta inter dominum Iohannem Abbatem et Conuentum de Oseneya ex una parte et Adam de Farendune le Boltere ex altera uidelicet quod idem Abbas et Conuentus concesserunt et tradiderunt eidem Ade totum illud mesuagium cum pertinentiis suis quod fuit aliquando Lutie de Boteleia quod est in parochia sancte Ebbe in Oxonia et est inter terram que fuit Laurentii le Pulthere et terram Alitie de Bamtune tenend et habend sibi et heredibus suis in perpetuum libere quiete et integre reddendo inde annuatim dictis Abbati et Conuentui decem et octo solidos esterlingorum ad quatuor anni terminos uiz [...] pro omni seruitio exactione et demanda et non licebit dicto Ade uel heredibus eius dictum mesuagium alicui uendere uel alienare nec inuadiare nec aliquo modo obligare quominus comode dictus redditus ad terminos statutos dictis Canonicis plene persoluatur et idem Adam et heredes sui domos dicti mesuagii sustinere debent et meliorare et integras conseruare et ne decidant restaurare Quod si non fecerint idem Adam pro se et heredibus suis obligat dictis Abbati et Conuentui omnia catalla sua ubicunque inuenta fuerint quousque dicte domus restaurentur et per uisum legalium hominum restituantur Idem uero Abbas et Conuentus predictum mesuagium cum pertinentiis dicto Ade et heredibus suis contra omnes gentes pro predicto seruitio in perpetuum warantizabunt Pro hac autem conuentione concessione et warantizatione dedit predictus Adam prefatis Abbati et Conuentui dimidiam marcam in gersumam et ut [...] hiis testibus Laurentio With tunc maiore Oxon Adam Submuro Iohanne Curcy tunc prepositis Henrico Simeon Philippo le Muner Waltero Aurifabro Rogero Noif Warino de Aula Iohanne Piscatore Milone le Sumenur Alano le Tannur Roberto clerico a aliis

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.