Uniuersis Cristi fidelibus ad quos presentes littere peruenerint Dauid miseracione diuina Cassellensis archiepiscopus salutem in domino sempiternam Cum sacra sanctorum limina visitare et ea pietatis studio venerari coram Altissimo sit acceptum mentes fidelium ad opus ita salutiferum quasi quibusdam illectamentis indulgentiarum muneribus duximus excitandas Ideo omnipotentis dei misericordia et gloriose dei genitricis virginis Marie et beatorum Petri et Pauli apostolorum ac beati Patroci patroni nostri omniumque sanctorum meritis ac precibus confidentes omnibus parochianis nostris et [alii]s quorum diocesani hanc indulgenciam nostram ratam habuerint de peccatis suis vere contritis et confessis qui capellam beati Georgii Martiris in Castro Oxon[] sitam in festo et per octabas eiusdem orandi causa adierint et eam aliquo caritatis officio honorauerint decem dies de debita et iniuncta sibi penitencia misericorditer relaxamus Datum apud Oseneyam quarto Kal Augusti anno domini m cc lxx septimo

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.