Magistri R de Preston[] et R rector ecclesie sancti Iohannis Oxonie dilecto sibi in Cristo decano de Dorkecestria salutem Mandatum magistri R de Marisc[] domini Lincolniensis officialis in hec uerba suscepimus Magister R de Marisc[] domini Lincolniensis officialis dilectis sibi in Cristo magistris Roberto de Preston[] et Roberto rectori ecclesie sancti Iohannis Oxonie salutem in domino Conquesti sunt nobis abbas et conuentus Oseneye quod cum inter ipsos et Rogerum de Lega scolarem Oxon[iensem] super pensione et taxacione cuiusdam domus coram Cancellario et Uniuersitate Oxonie questio uerteretur iidem in causa perperam procedentes iniquam contra ipsos abbatem et conuentum diffinitiuam tulerunt sentenciam quapropter nostram presenciam appellarunt Unde uobis mandamus quatinus uice et auctoritate nostra de sentencia ipsa legitime cognoscentes quod canonicum fuerit statuatis facientes quod decreueritis per censuram ecclesiasticam si necesse fuerit firmiter obseruari Quod si non ambo hiis exequendis potueritis interesse alter uestrum qui presens fuerit hec exequatur Ratum n[os] habemus et gratum quicquid uterque uel alter uestrum quem adesse contigerit in causa predicta uice et auctoritate nostra mediante iusticia duxerit statuendum Et hoc idem omnibus quos dicta causa qualitercunque contingit presentibus significamus Datum apud Lincolniam Idus Augusti Pontificatus dicti domini nostri Lincolniensis episcopi anno xi Huius igitur auctoritate mandati uobis mandamus quatinus peremptorie citetis Rogerum de Lega ut compareat coram nobis in ecclesia sancti Iohannis Oxonie die Lune proxima post Natiuitatem [beat]e Marie abbati et conuentui Oseneye responsurus et iuripariturus et qualiter executi fueritis mandatum nostrum secundum [formam predict]am per litteras uestras patentes nos certificare non omittatis Ualete semper in domino

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.