In nomine Patris et Filii [et Spiritus Sancti Amen Testamentum] Nicholai de Westona in bona et sana memoria confectum Ego Nicholaus in primis lego animam meam deo et beate Marie et omnibus sanctis corpus autem meum ad sepeliendum in porticu ad introitum ecclesie beate Marie [de Oseneya cum corp]ore equum meum nomine mortuarii fabrice dicte ecclesie et uouture eiusdem ecclesie xl solidos item in luminar[ibus] circa corpus meum sepeliendum uiginti solidos item ad oblaciones decem solidos item ad distribuendum pauperibus die obitus mei et in duobus [diebus subse]quentibus uiginti libras item in psalteriis pro anima mea dicendis quinquaginta solidos item die sepulture mee ad pietanciam conuentus Oseneye uiginti solidos item ad emendum quendam redditum annuum xx solidorum quos annuatim c[onuentus] ad pietanciam habeat die anniuersarii mei in perpetuum uiginti marcas et classicus meus tali die pulsetur item clericis dicte ecclesie qui classicum meum die obitus mei pulsabunt duos solidos item ad emendum quendum redditum annuum decem solidorum ad sustentacionem sarcofagorum Canonicorum Oseneye in perpetuum decem marcas per uisum prioris et subprioris qui pro tempore fuerint de isto redditu honeste emend[o] item in sotularibus pauperum quinque libras item in missis pro anima sua celebrandis in quinque capellis per tres annos triginta libras item conuentui sancte Frediswide Oxon[] decem solidos item conuentui de Burncestria dimidiam marcam item domui de Marckebi ad unam capellam quam [...] fundauit sexaginta solidos item fratribus predicatoribus Oxonie decem solidos item Minoribus decem solidos item fratribus de Saccis decem solidos item fratribus de Monte Carmeli dimidiam marcam item fratibus sancti Augustini quinque so[lidos item hos]pitali sancti Iohannis Oxonie unam marcam pau[peribus ibidem] languentibus per manus executorum in pane et ceruisia et quadam porcione piscis distribuendam item monialibus de Garinges dimidiam marcam item monialibus de Catis[by] [...] item monialibus de Litlemor decem solidos item monialibus de Stodleya dimidiam marcam item monialibus de Godestowe unam marcam item anacorite sancti Bodoc[] tres solidos item anacorite de Crowmerse duos solidos item anacorite de Farindon[] [...] [item] anacorite de Horsepathe xii denarios item anacorite sancti Egidii xii d item anacorite sancti Petri xii d item anacorite sancti Iohannis xii d item anacorite de Henkseye xii d item anacorite de Seukewrthe xii d item capelle sancti Nicholai [infra portas] Oseneye iii solidos item domino Thome clerico eiusdem loci x solidos item capelle sancti Thome iii solidos item domino Roberto capellano ii solidos item clerico eiusdem loci ii solidos item Alicie sorori mee lx solidos et duo coclearia argentea et unum cyphum murceum item Roberto filio dicte sororis mee octo libras item Ricardo garcioni meo xx solidos item Willelmo fratri suo dimidiam marcam item Matilde de Pyrie ii marcas et duo coclearia argentea item Leticie de [...] ne xl solidos et duo coclearia argentea et unum cyphum murceum item Nicholao filio eius dimidiam marcam item Ricardo de Ortone xx solidos item Dyonisie sorori eius ii marcas et ii coclearia argentea item Iuliane ii marcas ii coclearia argentea item Matilde ii marcas et duo coclearia argentea item Ricardo de Cestretone xx solidos item fratri eiusdem unam marcam item Ysabelle sorori eius xl solidos item Thome de Wythefort xx solidos item Sarre sorori eius si uiuit xx solidos item ponti de Fres ii solidos item ponti de Goseford iiii solidos item magno ponti Oxonie ii solidos item paruo ponti eiusdem uille ii solidos item leprosis ii solidos item Humfrido Coco ii marcas item magistro Willelmo Coco ii marcas item uolo quod Iohannes filius habeat ueteres domos in Parua Gernemutha et nouam domum quam nuper edificaui Robertus nepos meus habeat Item do lego Alicie filie mee domos quas inhabito cum omnibus pertinenciis habend et tenend sibi et heredibus suis seu assignatis in perpetuum Uolo tamen quod dicta Alicia filia mea permittat Emmam uxorem meam matrem suam easdem domos inhabitare quamdiu ipsa Emma mater sua uixerit et post decessum ipsius Emme remaneant dicte Alicie et heredibus suis seu assignatis in perpetuum Item uolo quod tribus pueris meis Iohanni Alicie et Katerine remaneant omnia utensilia domus mee preter superius legata Item lego uxori mee equum minorem et unam uaccam ad opus puerorum item Roberto nepoti meo unum affrum badium item uxori mee nomine dotis mobilium centum marcas de terra mea de Abburbiria uendita item cuilibet altari ecclesie Oseneye ii solidos item ad luminar[ia] et fabrice ecclesie de Ebburbiria iiii solidos item operi et luminar[ibus] ecclesie de Westone dimidiam marcam item Agneti de Cestertone decem multones item Ricardo Bleth de Ebburbiria ii solidos item uolo quod ad perficiendum istud testamentum quod de terra mea de Ebburbiria uendita et de bobus affris meremio et aliis rebus meis apud Abbirbiriam uenditis et de omnibus aliis rebus meis plene perficiatur secundum deum et dispositionem fratris Radulphi subprioris Oseneye domini Roberti capellani capelle sancti Thome magistri Willelmi Coci Roberti Spret Ricardi le Porter et Roberti nepotis mei quos executores meos ordino facio et constituo Probatum fuit istud testamentum coram nobis Decano Oxon[] die Iouis proxima ante festum Natiuitatis sancti Iohannis Baptiste anno domini m cc se[ptuag]esimo primo in ecclesia beati Petri orientalis eiusdem et iurat[is] de fideli inuentario faciendo et computo reddendo commissa fuit administracio executoribus nominatis in testamento ut prius prout continetur in testamento alio transcripto penes subpriorem Oseneye

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.