Omnibus fidelibus ad quos presentes littere peruenerint Baldewinus diuina miseratione Wigorniensis ecclesie minister eternam in domino salutem Notum facimus uniuersitati uestre quod dominus papa Alexander iii causam que super decimis dominii de Pudelicota uertebatur inter uenerabilem g[odefridum] abbatem et monachos de Egnesham et Rogerum de Bechesora clericum delegauit nobis cognoscendam et concordia uel iudicio mediante terminandam Partibus itaque in presentia nostra constitutis lis tota coram nobis amicabili compositione terminata fuit in hunc modum iamdictus r[] rector capelle de Cerchesdena assensu Hugonis Gulafre patroni eiusdem capelle concessit predictas decimas monasterio de Egnesham perpetuo possidendas recepturus singulis annis quoad uixerit ab eodem monasterio dimidiam marcam argenti in festo sancti Michaelis tanquam personale beneficium Quod ne tractu temporis in irritum reuocetur presentis scripti munimine et sigilli nostri appositione communimus salua in omnibus auctoritate diocesani episcopi Hec autem compositio facta fuit anno dominice incarnationis mclxxxi Idibus Maii apud Wigorniam testibus r[] priore Wigorniensi magistro s[] archidiacono Wigorniensi magistro Nicholao de Leuechenora

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.