Hec est concordia facta inter Walterum de Chauz et Radulfum de Cheisnei apud Oxenefordiam xxv anno regni Henrici regis secundi coram iusticiis domini regis scilicet Randulfo de Glanuilla Alano de Furn[ellis] Iohanne Cumin magistro Hugone de Gaherst Willelmo de Bendeg[es] quinto die ante festum sancte Marie Magdalene de terra de Wealde et de Estona cum omnibus pertinentiis de pheudo et terra Walterii de Chauz quas predictus Radulfus calumpniatus est uersus prefatum Walterum de Chauz et unde duellum fuit wagiatum in curia domini regis scilicet prenominatus Walterius recognouit rectum sepenominati Radulfi de Cheisnei et reddidit ei plenarie predictas terras sine aliquo retinemento tenend de se et heredibus suis sibi et heredibus suis reddendo xv solidos annuatim pro omni seruicio ad duos terminos uidelicet vii solidos et vi denarios ad Pascha et vii solidos et vi denarios ad festum sancti Michaelis et sic singulis annis Et si dominus Walterii exigerit aliquod seruitium de supradictis terris Walterius et heres eius debent adquietare eas de alio pheudo suo scilicet de Hammestede et de Bensinton[] et de predictis terris Radulfus de Cheisnei deuenit homo Walterii et heredis sui Et pro hac conuentione Radulfus dedit quinque marcas Waltero et heredi suo quinque marcas Et illas terras debet Walterus et heres eius warantizare Radulfo de Cheisnei et heredi suo contra omnes homines sicut homini suo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.