Omnibus ad quos presens scriptum peruenerit Robertus de Auuers salutem Nouerit uniuersitas uestra me de assensu heredum meorum dedisse concessisse et hac presenti carta mea confirmasse pro salute mea et omnium antecessorum et heredum meorum deo et beate Marie de Egnesham[] et monachis ibidem deo seruientibus in puram et perpetuam elemosinam totam terram que de feudo Roberti le Cheualchesul iure hereditario ad me descendere poterat in uilla de Fauflore scilicet medietatem totius tenementi quod idem Robertus habuit in eadem uilla in bosco in plano in pratis in pascuis in aquis in uiis in semitis in introitibus et exitibus in omnibus libertatibus et liberis consuetudinibus intra uillam et extra tenend et habend libere et quiete sine omni seruitio seculari saluo seruitio domini regis salua Nicholao filio meo et heredibus suis tercia parte dominici mei in predicta uilla quam ei concessi tenend ab eisdem monachis reddendo eis annuatim quatuor solidos pro omni seruitio saluo seruitio domini regis uidelicet ad festum sancti Michaelis duos solidos et ad Natale domini duos solidos salua etiam Radulfo filio meo et heredibus suis dimidia uirgata terre in eadem uilla quam ei concessi tenend a predictis monachis reddendo eisdem annuatim unum par calcarium uel tres obolos ad Pascha pro omni seruitio saluo seruitio domini regis Pro hac autem donacione concessione et confirmacione dederunt michi predicti monachi decem marcas argenti Et tam ego quam heredes mei predictam terram predictis monachis warantizabimus contra omnes homines Quod si facere non potuerimus eis competens eschambium in aliis tenementis nostris faciemus Et hoc fideliter obseruandum tam ego quam Willelmus filius et heres meus pro nobis et heredibus nostris affidauimus Quod ut ratum sit et firmum presenti scripto sigillum meum apposui hiis testibus Petro Thalemasche Hugone le Pouere Willelmo Blundo Gileberto Tailard[] Willelmo filio Baldewini Ricardo Tailard[] Iohanne ianitore Auenello Roberto de Sidem[] Thoma de Berton[] Ricardo Pull[] clericis Willelmo Russel et multis aliis

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.