Sciant presentes et futuri quod ego Willelmus de Submuro filius Ricardi de Submuro de Egnesham tradidi et dimisi ad firmam dominis meis domino Gilberto abbati et conuentui de Egnesham totum tenementum meum cum mesuagio redditibus et omnibus aliis pertinentiis suis in uilla de Egnesham et in omnibus aliis locis a festo Purificacionis beate Marie Uirginis anno gracie m cc quinquagesimo septimo usque in quadraginta annos proximo sequentes plenarie completos post quorum complecionem percipient uesturam usque ad festum sancti Michaelis habend et tenend eisdem et eorum successoribus libere quiete et integre bene et in pace cum omnibus que inde michi uel heredibus meis infra predictum terminum accidere poterunt racione redditus uel dotis uel cuiuscunque alterius rei ad predictum tenementum pertinentis excepto uno mesuagio cum gardino in Huthende et sex denariis annui redditus de quadam terra apud Tilgaresle que Ysabella mater mea ad uitam suam tenet post cuius decessum ad dictos abbatem et conuentum reuertentur Ego uero Willelmus uel heredes mei dictum tenementum nulli omnino hominum Iudeo uel Christiano infra dictum terminum dabimus uel uendemus inuadiabimus uel legabimus preter dictis dominis meis Quod si quod absit contra hanc conuencionem aliquando facere attemptabimus ex tunc remaneat totum tenementum predictum cum suis omnibus pertinenciis in manibus dictorum dominorum meorum in perpetuum sine reclamacione mei uel heredum meorum Pro hac autem dimissione et tradicione dicti abbas et conuentus dictum tenementum de Iudaismo acquietauerunt uidelicet de decem et octo marcis et preterea dabunt michi et Emme uxori mee secunde singulis annis de predicta firma si tam diu uixero tria quarteria frumenti et unum quarterium ordei ad festum sancti Michaelis Et si ante dictam uxorem meam secundam in fata decessero habebit illa totum bladum predictum uel terciam partem suam de tenemento predicto ad electionem suam Quod si dicti domini mei in seruicio suo me posuerint quamdiu ill[is] ad placitum et fideliter seruiero non persoluent nisi dimidiam partem utriusque bladi ad opus uxoris mee Preterea acquietabunt me de tribus solidis uersus matrem meam in quibus ei teneor annuatim pro dote sua in campis Egneshamie et Suttone et uersus priorem de redditu ei debito et de duobus denariis ad luminare sancti Andree Et ego [etc] Et ut [etc] Hiis testibus

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.