Omnibus Christi fidelibus etc Iohannes miseracione diuina etc Noueritis nos concessisse uendidisse et hac presenti carta nostra confirmasse Rogero Harang de Wytten[] mercatori totam lanam nostram de Egnesham Cherlebury Rolendrist Mukelinthon[] Banneburia Cropperia Wodethone Folebroc et Wyke et Northone ita uidelicet quod dictus Rogerus primo eam percipiet anno domini m cc lxviii et ex tunc annuatim donec in octo uiginti libris et decem sterlingorum plenarie fuerit ei satisfactum Percipiet autem predictus Rogerus quodlibet uellus cum wambelokis ad tons[uram] prouenient[ibus] pro quatuor denariis et obolo una cum pellibus bidencium ad festum sancti Martini interfectarum Et semper ad uicesimum uellus unum uellus de anuantagio non computatur Preterea habebit pelles de omnibus maneriis pellem pro tribus denariis et lanam de Stoke uidelicet pet[ra]m pro xx et viii denariis et ubicunque sui uenerint ad tons[ionem] pascantur de nostro Nos uero predictam lanam sumptibus nostris cariare faciemus apud Egnesham ita quod dictus Rogerus eam possit ibidem ad diem certum sine aliquo inpedimento percipere In cuius rei etc

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.