Omnibus [etc] I dei gracia abbas Egnesham et eiusdem loci conuentus salutem in domino Nouerit uniuersitas uestra nos caritatis intuitu dedisse [etc] magistro Andree de Biham rectori ecclesie de Stoke Abbatis quatuor marcas annuas de camera nostra soluendas eidem uel certo suo procuratori in festo sancte Fredeswyde uirginis proximo post festum sancti Michaelis quando fiunt nundine ibidem in ecclesia eiusdem uirginis donec eidem per nos fuerit prouisum in beneficio competenti quod duxerit acceptandum subiciendo nos quohercioni et iurisdiccioni domini Cancellarii Oxonie qui pro tempore fuerit quod liberam habeat facultatem sequestrandi omnes redditus et pensiones domorum quas habemus in uilla Oxonie sine cause cognitione cum ab eodem rectore fuerit requisitus si in solucione dicte pecunie prout dictum est nos cessare contigerit Uolumus etiam et concedimus ad maiorem dicti rectoris securitatem quod archidiaconus Oxonie uel eius officialis qui pro tempore fuerint possint libere et sine aliqua contradiccione sequestrare decimas quas infra dictam parochiam de Stoke percipimus et etiam nos sine strepitu iudiciali si necesse fuerit per censuram ecclesiasticam compescere si in solucione quod absit cessauerimus quousque eidem plenarie fuerit satisfactum renunciantes pro nobis et successoribus nostris omni iuris remedio tam canonici quam ciuilis et priuilegio fori et etiam regie prohibicioni litteris apostolicis impetratis et impetrandis et omni priuilegio impetrato et impetrando necnon et omni remedio per quod effectus istius negocii possit impediri Hec omnia per legitimam stipulacionem et sub debito sacramenti prestiti obseruare promittimus In cuius [etc] Datum die Martis proxima ante festum beati Petri in Cathedra anno m cc lxix

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.