Anno regni Regis e[] tercio decimo coram Salomone de Roff[] et sociis suis ut supra De manerio de Erdintone irrotulacio Abbas de Egnesham petit uersus abbatem de loco regali iuxta Oxoniam manerium de Erdintone cum pertinentiis exceptis sex mesuagiis et sex uirgatis terre ut ius ecclesie sue de Egnesham etc per breue de recto etc Et abbas de loco regali uenit et alias uocat inde ad waranciam Edmundum comitem Cornubie qui modo uenit per sum[monitores] et ei war[antizat] et dicit quod dominus Henricus rex pater domini regis nunc dedit Ricardo comiti Pictauie et Cornubie patri suo omnes terras cum pertinenciis que fuerunt comitis Roberti de Drywes et ducis Lotaringie in Anglia per cartam suam quam profert et que hoc testatur et dicit quod predictus Ricardus pater suus habuit predictum manerium de Erdintune per donum et feoffamentum predicti domini Henrici regis ut illud quod fuit predicti comitis Roberti unde dicit quod non potest inde sine domino rege respondere

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.