Omnibus [etc] Ricardus dictus abbas de Regali Loco iuxta Oxoniam ordinis Cisterciensis et eiusdem loci conuentus salutem in domino sempiternam Cum pacis caritatisque bonum inter filios dei et filios perdicionis discernere sit manifestum religiosis omnibus hoc peculiarius est amplectendum Nos materiam controuersie et discordie tanto bono contrarie precidere uolentes infuturum concedimus pro nobis et successoribus nostris abbati et conuentui de Egnesham et eorum successoribus imperpetuum quod omnes decimas suas infra manerium nostrum de Erdyngtone sine impedimento uel molestia sibi uel suis a nobis uel nostris quoquomodo inferenda colligere cariare ac de eisdem ordinare secundum consuetudinem hactenus vsitatam pro libito voluntatis sue valeant temporibus suis oportunis Illud idem et vicario perpetuo de Erdyngtone qui pro tempore fuerit in hiis que statum vicarie sue respiciunt concedimus per presentes compositionibus tamen personalibus suo tempore duraturis In cuius rei testimonium huic scripto sigillum nostrum commune est appensum Datum London[] xi kalendas Iulii anno domini mcc nonagesimo quarto

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.