Assisa capta apud Oxoniam coram Iohanne de Batesforde et I Randolf iusticiariis domini regis ad assisam capiendam in crastino clausi Pasche anno regni regis Edwardi filii regis Henrici tricesimo Assisa venit recognitura si Ricardus filius Stephani de Walcote Walterus de Daldene et Bartholomeus de Walcote iniuste etc disseisiuerunt Thomam abbatem de Egnesham personam ecclesie de Cherlebury de libero tenemento suo in Walcote post primam etc et vnde queritur quod disseisiuerunt eum de quodam proficuo capiendo singulis annis in manerio de Walcote videlicet uestura vnius acre frumenti et unius acre drageti etc Et predictus Walterus per balliuum suum et Bartholomeus in propria persona sua ven[iunt] et predictus Ricardus non uen[it] et fuit attachiatus per Henricum ate Chercheheye et Philippum de Mollyngtone ideo ipsi in misericordia Et capiatur assisa versus eum per defaltam Et predicti Walterus et Bartholomeus dicunt quod ipsi nullam iniuriam seu disseisinam inde fecerunt et de hoc ponunt se super assisam Et Thomas abbas similiter Ideo capiatur assisa etc Iur[atores] dicunt super sacramentum suum quod predicti Walterus et Bartholomeus disseysiuerunt predictum Thomam abbatem de predicto proficuo annuatim percipiendo iniuste etc sicut queritur Et iur[atores] quesiti a quo tempore predictus abbas fuit in seysina de predicto proficuo capiendo etc dicunt quod idem abbas et predecessores sui persone ecclesie predicte fuerunt inde in seysina vt de libero tenemento suo etc a tempore quo non extat memoria quousque etc Ideo consideratum est quod predictus Thomas abbas recuperet inde seisinam suam per visum recogn[itorum] et dampna sua que taxantur per eosdem ad xl denarios Et predicti Walterus et Bartholomeus in misericordia Et similiter predictus abbas in misericordia pro falso clamio versus predictum Ricardum etc

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.