Sciant [etc] quod nos Thomas permissione diuina abbas Egneshamie et eiusdem loci conuentus dedimus [etc] nobili viro domino Gwidoni de Bellocampo comiti Warrewik[] decem acras regales vasti nostri cum pertinenciis in Cherlebury iacentes in quodam loco qui vocatur Normannesgroue iuxta boscum predicti domini comitis in Spellesbury habend et tenend predicto domino Gwydoni et heredibus suis de capitalibus dominis feodi illius per seruicia que ad tantum vastum pertinent sine vllo retinemento nobis vel successoribus nostris dominii vel seruicii in eisdem imperpetuum et quod dictus dominus comes heredes et assignati sui de dicto vasto appropriare se possint pro uoluntate sua salua nobis et successoribus nostris communa pasture in eisdem temporibus waretti et aperto Et nos predicti abbas et conuentus et successores nostri predictas decem acras regales vasti cum pertinenciis predicto domino Gwydoni et heredibus suis contra omnes homines exceptis domino rege et heredibus suis warantizabimus acquietabimus et imperpetuum defendemus In cuius rei testimonium sigillum capituli nostri commune huic presenti carte duximus apponendum hiis testibus dominis Philippo de Gayton[] Iohanne Hamelyn Iohanne Dyue Henrico de Willamescote militibus Edmundo de Dene Roberto de Ascot[] Reginaldo de Lynham et multis aliis Datum apud Egnesham in capitulo nostro die sancti Botulphi anno regni regis Edwardi filii regis Henrici tricesimo tercio

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.