Placita coram Radulfo de Hengham et sociis suis iusticiariis domini regis de Banco in termino sancte Trinitatis anno regni regis E filii regis Henrici xxxiii Assisa vltime presentacionis de ecclesia de Sulthorne Thomas abbas de Egnesham per attornatum suum op[tulit] se quarto die versus Luciam que fuit vxor Thome de Leukenor[] et Petrum de Schenyndon[] de placito quod essent hic ad hunc diem audituri assisam vltime presentacionis quam idem Thomas in curia hic arramiauit versus eos de aduocacione ecclesie de Sulthorne que uacat et cuius aduocacionem predicti Lucia et Petrus ei deforc[iant] et ipsi non veniunt et habuerunt diem hic ad hunc diem Iudicium Assisa ista capiatur versus eos per eorum defaltam Et recognitores dicunt super sacramentum suum quod predictus Thomas tempore regis nunc et tempore pacis decem et septem annis elapsis vt verus patronus eiusdem ecclesie ad eandem ecclesiam presentauit quendam Iohannem de Bernewell[] qui ad presentacionem suam fuit admissus et institutus in eadem per cuius mortem predicta ecclesia modo vacat Requisiti de iure ipsius abbatis etc dicunt quod tempore regis patris domini regis nunc vicesimo anno eiusdem regis Henrici patris etc leuauit quidam finis inter quendam Nicholaum quondam abbatem de Egnesham predecessorem abbatis nunc et quandam Luciam de Arderne auiam predicte Lucie per quem finem eadem Lucia recognouit aduocacionem illam esse ius predicte abbathie de Egnesham et post mortem cuiusdam Gilberti abbatis predecessoris abbatis nunc vacante predicta abbathia quidam Ricardus de Grauesende quondam Lincolniensis episcopus loci illius ordinarius et aduocatus predicte abbathie contulit illam ecclesiam cuidam Galfrido de Stokes clerico suo qui fuit institutus in eadem etc Requisiti de collusione inter partes prelocuta contra statutum etc et etiam de valore eiusdem ecclesie dicunt quod nulla est collusio inter partes inde prelocuta etc Dicunt eciam quod ecclesia illa valet per annum viginti marcas et quod tempus semestre nondum elapsum est Ideo consideratum est quod predictus Thomas abbas habeat breue episcopo Lincolniensi quod ad presentacionem ipsius abbatis ad predictam ecclesiam idoneam personam admittat et quod idem abbas recuperet versus eos decem marcas pro dampnis suis etc Et predicti Lucia et Petrus in misericordia etc Rotulo vicesimo secundo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.