Omnibus Cristi fidelibus presens scriptum uisuris uel audituris Iohannes de Balliolo salutem in domino sempiternam Noueritis me uidisse et inspecsisse scriptum karissime domine matris mee domine Deruorguille de Galewythya domine de Balliolo de feofacione perpetuacione domus scolarium de Balliolo Oxonie suo sigillo signatum in hec uerba In nomine sancte Trinitatis et indiuidue Unitatis patris et filii et spiritus sancti Amen gloriosissime uirginis Marie uirginis ac martiris Katerine beatissime totiusque curie celestis et ecclesie militantis Ego Deruorguilla de Galwythia domina de Balliolo in mea propria uiduitate et legia potestate constituta cupiens et uolens quamdam elemosinam Oxonie perpetuare ubi uiget studium generale quam bone memorie dominus Iohannes de Balliolo sponsus meus karissimus cuius anime propicietur Altissimus pietatis intuitu quondam suscitauit ibidem pro anima uidelicet dicti sponsi mei predilecti et pro animabus patris mei matris mee et omnium predecessorum meorum set et pro salute propria prolis mee et omnium successorum meorum do concedo et inperpetuum pro me et heredibus meis confirmo magistro Waltero de Fodringeye principali et sociis suis scolaribus dictis de Balliolo in Uniuersitate Oxonie studentibus et eorum successoribus per legitimam eleccionem societatem illam intrantibus et in ea commorantibus secundum quedam statuta ad hoc specialiter ordinata et meo sigillo roborata totam placeam cum edificiis et omnibus suis pertinenciis quam emi de Thoma de Ew filio et herede Iohannis de Ew burgensis Oxonie in Horsmongerestrete in parochia beate Marie Magdalene in suburbio Oxonie quam quidem placeam cum edificiis predictis principali et scolaribus et eorum successoribus pro loco habitacionis inperpetuum concedo et assigno quem etiam locum domum scolarium de Balliolo scenseo nuncupari in qua dictos principalem et scolares et eorum successores in forma predicta ad dictam societatem electos perpetuo moraturos esse descerno Cui siquidem domui et scolaribus in eadem concedente domino in perpetuum moraturis totam terram de Stanwortham et de la Howh[] in comitatu Norhumbr[] cum omnibus suis pertinenciis concessi assignaui et in subsidium perpetue sustentacionis predictorum principalis et scolarium et eorum successorum pro me et heredibus meis confirmaui Quam quidem terram executores testamenti domini Iohannis de Balliolo dilecti sponsi mei supradicti emerunt dudum de domino Roberto Walrauen pro quadam summa pecunie in dicto testamento ad hoc specialiter ordinata Omnia uero supradicta dictis principali et scolaribus et eorum successoribus dedi concessi et assignaui et libera uoluntate mea pro me et heredibus meis confirmaui in liberam puram et perpetuam elemosinam Et ego et heredes mei omnia predicta dictis principali et scolaribus et eorum successoribus contra omnes mortales warantizabimus acquietabimus et futuris temporibus defendemus in omnibus et per omnia secundum tenorem cartarum quas eis inde confeci meo sigillo roboratarum Et ut hec mea donacio assignacio confirmacio warantia acquietacio et defensio pro me et heredibus meis dictis principali et scolaribus et eorum successoribus robur perpetue firmitatis et stabilitatis optineant presenti scripto sigillum meum est appensum Hiis testibus dominis Antonio dei gracia episcopo Donelmensi et Oliuero eadem gracia episcopo Lyncolniensi dominis Hugone de Euer Iohanne de Swyneburne Roberto de Meneuile Waltero de Camhowe militibus magistro Rogero de Rowelle tunc Cancellario Uniuersitatis Oxonie magistro Symone de Gandauuo tunc eiusdem uille archidiacono domino Roberto Auenel tunc rectore ecclesie de Stanwortham Iohanne de Erintona Ricardo Beneyth Willelmo de Daltona et aliis Ego uero Iohannes de Balliolo filius et heres domini Iohannis de Balliolo omnibus predictis inspectis et bene et distincte intellectis ipsa omnia singula prescripta in omnibus et per omnia secundum quod liberius quietius uel melius predictum est pro me et heredibus meis concedo ratifico et inperpetuum confirmo Et ut hec mea concessio ratificacio et confirmacio pro me et heredibus meis in omnibus et singulis prescriptis perpetuum robur firmitatis optineant hoc scriptum sigillo meo roboratum predictis scolaribus fieri feci hiis testibus dominis Gilberto de Unfrauile comite de Anegus Roberto filio Rogeri Rogero de Lonecastre Hugone de Euer[] Roberto de Insula Waltero de Camhowe Iohanne de Swyneburne Hugone Gubyun Roberto Bertram de Bothale Rogero Maudut Radulfo de Essingdene militibus et aliis

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.