In dei nomine Amen Die Iouis proxima post festum Omnium Sanctorum anno domini mccc septimo ego Isolda uxor Ricardi Ouerhee condo testamentum meum in hunc modum in primis [lego] animam meam deo beate Marie et omnibus sanctis et corpus meum ad sepeliendum in cimiterio ecclesie sancte Marie Magdalene Oxonie Item lego summo altari eiusdem ecclesie ii solidos item capellano beate Virginis eiusdem ecclesie xii den item Rogero clerico eiusdem ecclesie vi d item lego in cera et cilicio die sepulture mee xx sol ita quod cera precii dimidie marce remaneat in ecclesia sancte Marie Magdalene predicte et residuum dispositioni executorum meorum sine aliqua contradictione seu calumpnia item lego eodem die in pane pauperibus erogandos xx sol item in expensis amicorum meorum et executorum et aliorum eodem die i marcam item lego cuidam capellano celebranti missam pro anima mea in ecclesia predicta per unum annum integrum post decessum meum lii solidos eleccioni executorum meorum item lego Ricardo filio Ricardi mariti mei x sol item lego Roberto fratri suo x sol item lego Cristine filie predicti Ricardi mariti mei mantellum meum de uiridi meliorem unam tunicam de uiridi cum uno capucio de uiridi cum furrura item lego Elene nepte mee mantellum meum de murrey cum furrura unam robam de pounas[] item do et lego Roberto filio Ricardi Ouerhe et Elene filie Iohannis de Blockele nepte mee totum illud tenementum cum omnibus suis pertinenciis quod habui ex dono Ricardi de Blockele quondam fratris mei quod situm est in suburbio Oxonie in parochia predicta inter tenementum Ricardi de Dadingtone ex parte boreali et tenementum Andrei Culuerd et Alicie Foukes ex parte australi habend et tenend predictum tenementum cum omnibus pertinenciis predictis Roberto et Elene aut eorum uni diucius uiuenti sibi heredibus suis et assignatis de capitalibus dominis feodi per seruicia inde debita et consueta imperpetuum Item lego Ade le Parmenter seruienti meo ii solidos Item lego Roberto filio Walteri Bost i coclear argenteum Item Thome filio Roberti de Brackele i coclear argenteum Item lego Isolde filie Thome Bost unum anulum aureum Item Sarre filie Iohannis de Sancto Egidio vi denarios Item lego Agneti uxori Roberti de Brackele i firmaculum aureum paruum Item cuilibet filiolis meis et filiabus in testamento prius nominatis iii denarios Item lego totum residuum omnium bonorum meorum tam mobilium quam immobilium parti mee contingentium ut in catallis Ricardo marito meo ut ipse inueniat Elene nepte mee predicte sustentacionem in uictu et uestitu ad terminum uite sue pro labore suo Huius igitur testamenti complendi ordino facio et constituo executores meos Ricardum maritum meum et Iohannem le Lumener ut ipsi ordinent et disponant in forma predicta prout anime mee melius uiderint expedire Iterum lego Elene nepte mee ii tapelas cum ii lintheaminibus Item Cristine filie mariti mei unum lectum honestum Item Iohanni filio Iohannis de Farendon firmaculum aureum In cuius rei testimonium huic testamento meo sigillum meum patent[] et claus[] est appensum Et actum fuit istud testamentum die Iouis predicto anno regni regis Edwardi filii regis Edwardi primo Hiis testibus Iohanne de Waltham Henrico de Beumond Roberto le Barbor Waltero Golde Philippo de Mixebury et aliis

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.