Sciant presentes et futuri quod nos frater Nicholaus custos et magister hospitalis sancti Iohannis extra portam orientalem Oxonie confratres et infirmi loci predicti dedimus concessimus et hac presenti carta nostra confirmauimus pro nobis et successoribus nostris magistro Willelmo Burnel Wellensi preposito et heredibus suis ac assignatis quibuscumque in perpetuum aulam nostram angularem atque domos et tenementa cum suis pertinenciis prope cimiterium sancte Frideswide in villa Oxonie memorate que aula et domus site sunt inter terram et tenementa quondam Iuliane Gamage atque terram et tenementa prioris sancte Frideswide ex parte una et tenementa quondam Iohannis Cissoris ex parte altera in parochia sancte Frideswide Dedimus eciam concessimus et hac presenti carta nostra confirmauimus prefato magistro Willelmo Burnel et heredibus suis uel suis assignatis domum terram et tenementa cum pertinenciis que Iacobus dictus Mildegod quondam Iudeus tenuit de nobis que domus sita est inter tenementa prioris sancte Frideswide ex parte una et tenementa que quondam fuerunt Iudeorum Oxonie ex parte altera in parochia sancti Aldati habend et tenend omnes terras domos et omnia tenementa predicta cum suis pertinenciis dictis magistro Willelmo et heredibus suis ac suis assignatis de capitalibus dominis terrarum et tenementorum huiusmodi bene et in bona pace libere integre et quiete in perpetuum reddendo inde annuatim sepedictus magister Willelmus et sui heredes aut assignati capitali domino feodorum illorum et aliis seruicia inde debita et consueta secundum quantitatem que pertinet ad tantum tenementum in villa Oxonie memorata Pro hac autem donatione concessione et presentis carte nostre confirmacione dedit prefatus magister Willelmus nobis et successoribus nostris in excambium domum illam cum pertinenciis que fuit Sarre quondam uxoris Benedicti le Eueske et terram illam et tenementa cum pertinenciis que fuerunt Samuelis de Berkbamstede et terram illam et tenementa cum pert que fuerunt Pye quondam uxoris Benedicti de Kauz et terram illam et tenementa cum pert que fuerunt Auegaye filie Benedicti de Wynton et terram illam et tenementa cum pert que fuerunt Benedicti de la Cornere quondam Iudeorum et Iudearum Oxonie ' reddendo inde annuatim nos et successores nostri predicti capitalibus dominis feodorum predictorum seruicia debita et consueta Et nos dicti custos et magister hospitalis predicti confratres et infirmi loci predicti omnes domos et terras et omnia tenementa predicta cum omnibus et singulis pertinenciis suis sepedicto magistro Willelmo et heredibus ac assignatis suis contra omnes homines et feminas per seruicia predicta acquietabimus et in perpetuum defendemus ac warantizabimus per excambium supradictum Et ut [etc alternate sealing] hiis testibus Henrico Oweyn tunc maiore Oxonie Willelmo de Wodestone et Andrea Culvert tunc balliuis eiusdem ville Philippo de Ow Iohanne Culvert Ricardo de la Garderobe Iohanne de Ow Nicholao Aurifabro Henrico de Gamage Ricardo le Espicer Thoma Lysewys et multis aliis

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.