Sciant presentes et futuri quod nos Stephanus de Cornubia magister domus scolarium de Balliolo Oxonie et scolares eiusdem domus unanimi assensu et consensu nostro concessimus et hoc presenti scripto indentato pro nobis et successoribus nostris ad firmam dimisimus Iohanni de Aylesbury dicto le Tauerner de Oxonia et Agneti vxori eius quamdiu vixerint vel alteri eorum diucius viuenti totum illud mesuagium nostrum ubi quondam erat synagoga Iudeorum in parochia sancti Aldati Oxonie quod quidem mesuagium situatur inter principale mesuagium nostrum ubi quondam morabatur magister Willelmus Burnel ex parte orientali et alia tenementa nostra versus viam regiam ex parte occidentali una cum libero introitu et exitu ad predictum mesuagium per medium magne porte que sita est inter tenementa predicta cum solario supra eandem portam et sciendum est quod in dicto mesuagio situantur tot domus videlicet una aula cum celario et solario eiusdem longitudinis ex parte australi cum uno solario et celario ex parte boriali et una pistrina habend et tenend totum predictum mesuagium cum dicto introitu et omnibus aliis domibus predictis in dicto mesuagio sitis prefatis Iohanni et Agneti ad totam vitam utriusque eorum de nobis et successoribus nostris libere bene et in pace reddendo inde annuatim nobis et successoribus nostris quadraginta sex solidos et octo denarios sterlingorum bone et legalis monete in tota vita dictorum Iohannis et Agnetis et eorum alterius diucius viuentis ad quatuor anni terminos videlicet ad festum sancti Thome apostoli undecim solidos et octo denarios [et Mar 25 June 24 et Sept 29] pro omni seruicio seculari et demanda Et predicti Iohannes et Agnes et eorum alter diucius viuens totum predictum mesuagium una cum dicto introitu et omnibus aliis domibus prenominatis in dicto mesuagio sitis in adeo bono statu vel meliori reparabunt sustentabunt et in omnibus emendabunt sicut fuerunt die conuencionis inite Et si contingat predictos Iohannem et Agnetem vel eorum alterum dictas domos vel aliquam illarum non reparare sustentare nec sufficienter ut predictum est emendare et hoc per visum et testimonium bonorum et fidedignorum ex utraque parte ad hoc electorum verificari poterit tunc bene liceat dictum magistrum et scolares predictum mesuagium intrare et de illo in omnibus ordinare prout melius viderint expedire ita quod nec predicti Iohannes et Agnes nec eorum alter dictos magistrum et scolares quoquo modo impediant vel in aliquo eis contradicant nec extunc racione istius conuentionis aut dimissionis in dicto mesuagio aliquid vendicabunt Et nos predicti magister et scolares totum predictum mesuagium cum suis pertinentiis prenominatis prefatis Iohanni et Agneti ad totam vitam utriusque eorum contra omnes mortales warantizabimus et acquietabimus pro redditu supradicto si non contingat nos infra predictum terminum eorum iure potestate seu quoquo alio modo mesuagium illud perdere Quod si contingat quod absit dicti Iohannes et Agnes nec aliquis nomine eorum occasione predicte dimissionis vel warantie predictos magistrum et scolares nec eorum successores in nullo grauabunt seu quoquomodo occasionabuntur Et ad istam conuentionem fideliter in omnibus obseruandam nos predicti Iohannes et Aanes fideiussores inuenimus videlicet Petrum filium Iohannis de Oxonia et Iohannem Feteplace de eadem qui sigilla sua una cum sigillis nostris parti huius scripti indentati penes magistrum et scolares residenti apposuerunt et relique parti eiusdem scripti penes dictos Iohannem et Agnetem residenti sigillum commune predictorum magistri et scolarium domus predicte est appensum Hiis testibus Iohanne de Dokelintone tunc maiore Oxonie Waltero de Wycumbe et Willelmo de Pennarthe tunc balliuis eiusdem ville Thoma de Henxeye Andrea de Pyrie Iohanne de Coleshulle Phillipo de Wormenhale Radulfo de Stroke Andrea Culuerd Iohanne le Orfeuere Richardo de Mortone Thoma de Mortone Thoma Clerico et multis aliis Dat apud Oxoniam in festo Purificationis beate Marie virginis anno regni regis Edwardi filii regis Henrici xxxv

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.