Pateat uniuersis per presentes litteras indentatas quod ego Iohannes de Aylesbury dictus le Tauerner et Agnes uxor mea obligamus nos coniunctim et diuisim et utrumque nostrum in solidum magistro et scolaribus domus de Balliolo in Oxonia in quadraginta solidis sterlingorum bone et legalis monete soluendis eisdem magistro et scolaribus vel alicui nomine ipsorum has litteras deferenti quandocumque dicti magister et scolares fieri facient quandam cameram ex competenti meremio bonam et honestam cum solario et celario infra terminum nostrum in quodam mesuagio quod dicitur synagoga quod ab eisdem magistro et scolaribus ad terminum vite nostre accepimus reddendo inde annuatim quoddam certum prout in quodam scripto inter nos confecto plenius continetur Item volumus et concedimus pro nobis et utroque nostrum quod si dicti magister et scolares novam cameram infra terminum nostrum faciant libere habeant sine contradictione quorumcumque seu cuiuscumque meremium lapides et omnia pertinencia cuiusdam camere antique in medio dicti mesuagii situate in subsidium dicte noue camere faciende Et quia per principale scriptum inter nos confectum obligamur predictam cameram in medio mesuagii sitam in toto termino nostro sustentare promittunt fideliter dicti magistri et scolares et per presentes se obligant quod si nouam cameram faciant et ad illius constructionem predictam antiquam cameram capiant occasione dicte antique camere non sustentate in nullo nos nec alterum nostrum grauabunt seu quouismodo extunc occasionabuntur Et sciendum quod nos dicti Iohannes et Agnes in toto termino nostro nouam cameram si quam dicti magister et scolares in dicto mesuagio fieri faciant reparabimus in omnibus sustentabimus et uterque nostrum in toto termino suo sustentabit Quod si non fecerimus liceat magistrum et scolares totum predictum mesuagium ad manus suas capere et inde ordinare prout in principali scripto plenius inseritur Ut hec autem conuentio firma sit et stabilis in forma predicta dictismagistro et scolaribus tales fideiussores inuenimus Petrum filium Iohannis de Oxonia et Iohannem Feteplace quorum uterque pro nobis et utroque nostrum principalem debitorem totalis dicte pecunie se constituit et per presentes in solidum obligat In huius rei testimonium sigillum commune dictorum magistri et scolarium parti huius obligationis penes dictos Iohannem et Agnetem residenti est appensum et alteri parti penes magistrum et scolares residenti sigillum dictorum Iohannis et Agnetis una cum sigillis dictorum fideiussorum sunt appensa Scriptum Oxonie die dominico prox post Purificationem beate Marie anno regni regis Edwardi filii regis Henrici xxxv

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.