Omnibus Cristi fidelibus presentes litteras uisuris uel audituris Deruorgulla de Galewithia domina de Balliolo ceterique executores testamenti domini Iohannis de Balliolo salutem in domino Piam considerantes affectionem quam dilectus quondam dominus noster dominus I supradictus habuit ad scolares domus de Balliolo quam Oxonie diuini spiritus instinctu feliciter inchoauit et de perpetua sustentacione decreuerat prouidere si mortis Auctor et uite sibi concessisset suum adimplere propositum ipsam eius affectionem ad effectum optatum deducere cupimus ut tenemur Hinc est quod ex mera et pura omnium nostrum uoluntate pro anima karissimi domini nostri supradicti presencium tenore damus concedimus et in perpetuum assignamus magistro Waltero de Fodringeye principali scolarium predictorum et eisdem scolaribus domus supradicte ad sue domus perpetuacionem et sue perpetue sustentacionis prouisionem omnia debita et quecumque bona alia quocumque titulo ad dictum defunctum seu defuncti testamentum spectancia ad quascumque manus religiosas uel alias per mutuum uel aliter quocumque modo fuerint deuoluta constituentes dictum magistrum W principalem scolarium predictorum seu quemcumque alium eius successorem uel quem ipse uel eius successor duxerit substituendum procuratorem seu attornatum in re sua ad petendum seu exigendum ad opus suum sociorumque suorum omnia debita et quecumque bona alia ubicumque inuenta et quomodocumque detenta et ad conueniendum quoscumque debitores detentores seu occupatores bonorum predictorum in quocumque foro melius sibi uiderit expedire Damus eciam dicto principali seu eius sic substituto plenarie totam nostram potestatem debita et alia bona supradicta recipiendi et recepta in usus sue perpetuacionis ac perpetue sustentacionis necessarios omnino conuertendi quietumclamandi et quietas clamaciones quibuscumque debitoribus soluentibus faciendi ac omnia et singula circa premissa faciendi et persequendi quibuscumque diebus et locis et coram quibuscumque iudicibus ecclesiasticis seu secularibus que nos facere possemus uel deberemus si nostram corporalem exhiberemus presenciam in omnibus et per omnia ratificantes et confirmantes quicquid dictus principalis seu eius substitutus faciendum duxerit in premissis Et ut omnia et singula supradicta firmum et solidum capiant effectum in hiis scriptis totum ius quod habemus uel de cetero habere poterimus in premissis et singulis premissorum omnino cedimus principali et scolaribus supradictis omni actioni imperpetuum renunciantes que nobis uel alicui nostrum competit seu aliqualiter competere poterit in futurum et totam administracionis curam que nobis coniunctim uel diuisim incubuit in eosdem principalem et scolares in solidum transferentes cum omni onere dictam curam temporaliter seu spiritualiter contingente saluis tamen semper nobis dicte Deruorgulle duabus partibus omnium debitorum et aliorum bonorum supradictorum [in uiduitate] li[bera] nos contingentibus que in ista dacione concessione et assignacione dictis scolaribus facta minime continentur Et qu[ia nos executores supradicti] bona predicta sustentacioni dictorum scolarium per dictam Deruorgullam perpetuande assignauimus uolumus [quod quociens principalis] uel quilibet alius dictorum scolarium procurator seu atornatus aliqua de dictis bonis receperit dicte D uel cuicumque quem [ad hoc] specialiter assignauerit racionem reddat de receptis In cuius rei testimonium sigilla nostra presentibus sunt appensa Dat[] apud Lang[]tune die Ueneris proxima ante Natiuitatem sancti Iohannis Baptiste anno domini m ducentesimo octogesimo septimo

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.