Memorandum quod die Sabbati proxima post festum sancti Marci Ewangeliste apud Wygestone anno domini mcc octogesimo quinto ordinatum est in presencia domini H dei gracia Candide Case episcopi dominorum abbatum de Dundreynan et de Tungland domini Douenaldi filii Cane domini Martini clerici Thorne Maculauth Roulandi et aliorum fidedignorum quod Thomas Maculauth deliberaret sexcies uiginti uaccas in manu Roulandi Ascolok de testamento domini Alani filii Comitis custodiendas usque ad festum Assumpcionis proximo sequens ad complendum residuum si quod fuerit centum librarum sterlingorum quas frater Ricardus de Slikeburne ibidem peciit ex parte exsequtorum domini Iohannis de Balliolo ita quod de dictis uaccis soluetur residuum dicte pecunie si sufficiant Iohanni de Tesedale si non sufficiant de testamento addetur complementum et sic soluto residuo dicte pecunie si quod fuerit omnes uacce predicte exsequtoribus testamenti prefati domini Alani sine contradiccione cuiuscumque persone restituantur qui sub tali forma eas recepit ex ordinacione prescriptorum et balliui domine de Balliolo In cuius ordinacionis testimonium prenominati abbates et ceteri nominati sigilla sua una cum sigillo domini episcopi supradicti apposuerunt presentibus Dat[] dictis anno die et loco omnes prenominati sigilla sua apposuerunt tanquam testes

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.