Uniuersis sancte matris ecclesie filiis etc humilis Moises prior Coventrensis ecclesie eiusdemque loci conuentus eternam in domino salutem Nouerit uniuersitas vestra nos concessisse magistro Rogero de Rolveston ecclesiam nostram de Checkenden cum omnibus pert suis ipsumque ad eandem ecclesiam domino w[altero] dei gracia Lincolniensi episcopo canonice presentasse [insuper] de prefati Rogeri permissione et peticione concessimus magistro W de Pentir perpetuam in iamdicta ecclesia prefati episcopi auctoritate et peticione vicariam ita quidem quod magister W eam possidebit et omnes proventus eiusdem ecclesie imperpetuum percipiet solvendo sepedicto R quamdiu vixerit tres marcas argenti annuatim Et si ipsum R premori contigerit vel alio iusto modo prenotatam ecclesiam idem R habere desierit sepedictus W ecclesie Coventrensi easdem tres marcas annuatim nomine eiusdem ecclesie persolvet hiis testibus magistro Alexandro Aluredo clerico Ranulpho diacono Hugone de Rolveston Radulpho de Brourgh Simone Gerardo Adam et Iohanne clericis et aliis

Source Fulltext: The Boarstall Cartulary. Rev. H.E. Salter. Oxford Historical Society, V.88. Oxford Historical Society. Clarendon Press. Oxford. 1930.