Placita corone apud Oxoniam coram Salamone de Roffa Ricardo de Boylund Roberto Fulcone Rogero Loveday et Galfrido de Pycheforde iusticiis itinerantibus in comitatu Oxonie in crastino sancti Hillarii anno regni regis Edwardi tercio decimo Hundredum de Bolendone venit per xii iuratores Quidam ignotus inventus fuit occisus sub Stopehull infra coopertum foreste domini regis de Stowode Nescitur quis eum occidit Primus inuentor venit et non malecreditur nec aliquis alius et sepultus fuit per Willelmum Bastard cum viridariis predicte foreste qui obiit Et super hoc venit Phillippus Mymekane custos predicte foreste de feodo et profert breue domini regis in hec uerba Edwardus etc iusticiariis proximo itinerantibus in comitatu Oxon[] salutem Quia Philippus Mymekan forestarius noster de foresta nostra de Shottore de feodo clamat habere diuersas libertates quibus ipse et antecessores sui a tempore quo non exstat memoria hactenus usi sunt ut dicit vobis mandamus quod ipsum Philippum libertates illas coram vobis in itinere vestro in comitatu predicto uti et gaudere permittatis prout ipse eis uti debet et ipse et antecessores sui predicti eis uti consueuerunt temporibus retroactis teste me ipso apud Borstall secundo die Ianuarii anno regni nostri tercio decimo De seriantiis dicunt quod Robertus Agulyn et Margareta uxor eius tenent manerium de Neunham in dotem ipsius Margarete quod valet per annum xx libras de heredibus Isabelle de Fortibus comitisse Albemarle per seriantiam tercie partis camerarie de Scaccario domini regis et quod Philippus Mimekan tenet quandam terram in Hedyngdon que valet per annum xi s per seriantiam essendi capitalis forestarius domini regis in Shottore et facit seriantiam illam et est integra

Source Fulltext: The Boarstall Cartulary. Rev. H.E. Salter. Oxford Historical Society, V.88. Oxford Historical Society. Clarendon Press. Oxford. 1930.